NAHÚM 1:7 - Dios Rimashcata Quillcashcami

⁷ ¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.

NAHÚM 1:7 Iomraidhean Croise

1 CRÓNICAS 16:34

Mandac Diosta alli nichic, Paica allimi can. Paipac cuyaica huiñaipacmi can

1 CRÓNICAS 5:20

Chai macanacuipimi Diospi shunguta churashpa Diosta mañarcacuna. Chaimantami Diosca paicunapac maquipi agarenocunatapish, paicunata ayudaccunatapish churarca.

2 CRÓNICAS 13:18

Chashnami israelcunaca chai huatapica llaqui tucushpa saquirirca. Ashtahuanpish Judá llacta soldadocunaca paicunapac ñaupa taitacunata Mandac Diosta mañashpami sinchi tucurcacuna.

2 CRÓNICAS 32:11

Ezequiasca cancunataca: “Ñucanchicta Mandac Diosmi Asiria llactata jatun mandacpac maquimanta cacharichinga” nicunmi. Chashna nishpaca, cancuna yarcaihuan, yacunayaihuan huañuchunllami chashna nicun.

2 CRÓNICAS 32:21

Shina mañacpimi, Mandac Diosca shuc angelta cachashpa Asiria llactata jatun mandacpac carpapi cac yallita sinchi imatapish mana manchac soldadocunatapish, mandaccunatapish, chai soldadocunata mandaccunatapish huañuchirca. Chaimantami chai jatun mandacca yallita pingai tucushpa, paipac llactaman cutishpa, paipac diospac huasiman yaicurca. Chai ucuman yaicucpimi, paipac churicunallatac espadahuan huañuchirca.

2 CRÓNICAS 32:8

Chai jatun mandacca runacunapac poderllahuanmi. Ashtahuanpish ñucanchicta macanacuipi ayudangapacca ñucanchicta Mandac Diosmi ñucanchic-huan» nirca. Judá llactata jatun mandac shina nicpica, mana manchashpami, tucui mashna sinchi tucurcacuna.

ESDRAS 3:11

Mandac Diosta pagui nishpa, alli nishpa cantashpaca: «¡Paica allimari, israelcunataca huiñaitami llaquicun!» nircacuna. Mandac Diospac huasi callari rumita churai callarishcamantami tucui gentecuna yallita cushicushpa, caparishpa Mandac Diosta alli nircacuna.

SALMOS 1:6

Cashcata ruhuaccunapac causaitaca Mandac Diosmi ricucun. Ashtahuanpish millaita ruhuaccunapac causaica chingarinallami.

SALMOS 100:5

Chaica Mandac Diosca allimi. Paica huiñaitami cuyacun. Pai ima nishcataca huiñaita pactachicungallami.

SALMOS 20:1

Llaqui punzhacunapi mañacpi, Dios uyachun. Jacobopac Diosca canta misachun.

SALMOS 25:8

Mandac Diosca cashcata ruhuac alli shungu cashpami, juchayuccunataca alli ñanta catichun yachachin.

SALMOS 27:5

Llaqui punzhacunapica paihuan tupana huasipimi huacaichinga. Paipaclla chicanyachishca ucupimi pacanga. Jatun torre jahuapimi churanga.

SALMOS 37:39

Cashcata ruhuaccunataca Mandac Diosmi quishpichinga. Paica llaqui punzhacunapi jarcarina jatun pirca shinami.

SALMOS 37:40

Mandac Diosmi ayudashpa cacharichinga. Paita mana manchaccunapac maquimanta llucchishpami quishpichinga. Chaica, paita shuyacushcamantami chashnaca quishpichinga.

SALMOS 46:2

Chaimantami allpa chucchucpipish, urcucuna tuñirishpa mama cucha chaupipi siriricpipish mana manchashun.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 59:16

Canca ñuca miticuna jatun pirca shinami cangui. Shinallatac llaqui punzhacunapi ñucata llaquicmi cangui. Tutamanta utca jatarishpami canta alabasha.

SALMOS 71:3

Ñuca huiñaita miticungapac rina jatun rumi caiyari. Canca ñuca miticuna jatun rumi shina, muyundita jatun pircashca shinami cangui. Canca ñucata quishpichic cangui.

SALMOS 86:7

Ñuca mañashcata uyac cacpimi, llaqui punzhapica canta cayani.

SALMOS 9:10

Mandac Dioslla, canta mashcaccunataca mana saquircanguichu. Cambac shutita ricsiccunaca canpimi shunguta churangacuna.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 17:17

Canca llaqui punzhacunapi ñucata pacacmi cangui. Chaimanta ama manchachichu.

JEREMÍAS 24:5

«Israelcunata Mandac Dios ñucaca: Sumac higocuna shinaca, Judá llactamanta caldeocunapac llactaman ñuca llucchishpa cachashca gentecunami.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

LAMENTACIONES 3:25

Mandac Diosca paita shuyashpa, tucui almahuan mashcaccunapacca allimi.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

DANIEL 6:23

Shina nicpimi, jatun mandacca yallita cushicushpa, Danielta chai jutcumanta llucchichun mandarca. Shina mandacpimi, Danieltaca chai jutcumanta llucchirca. Danielca Diospimi shunguta churarca. Chaimantami chai leoncuna causana jutcupica ima mana tucurca.

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

SAN MATEO 27:43

Paica: “Diospac Churimi cani” nishpami, Dios yuyailla puricurca. Shina cacpica, Dios cuyashpaca quishpichinmanmi» nircacuna.

SAN MATEO 7:23

Chashna cacpica ñucaca: “Cancunataca mana ricsinichu. Anchurichic, millaita ruhuaccuna” nishami.

SAN JUAN 10:14

Ñucami alli michicca cani. Ima shinami ñuca Taita ñucata ricsin, shinallatacmi Taitataca ricsini. Chashnallatacmi ñuca ovejacunapish ñucata ricsin. Ñuca ovejacunamantaca huañuna cacpipish huañushallami.

SAN JUAN 10:27

Ovejacunaca ñuca rimashcata uyanmi. Ñucapish paicunataca ricsinimi.

ROMANOS 11:22

Dios llaquic cashcatapish, llaquichic cashcatapish yachanami cangui. Diosca mana cazuccunataca llaquichishcami. Shina cashpapish cantaca llaquishcami. Diospac cuyaita mana cungarishpaca causanguimi. Mana yuyarishpaca canpish anchuchishcami cangui.

GÁLATAS 4:9

Cunanca Diosta ricsiccunami canguichic, ashtahuancarin Diosmi cancunata ricsin. ¿Shina cashca jahuachu cutinllatac imapish mana valic, yanga ruhuanacunallata cazushpa, huatashca shina causashun ninguichic?

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.