NAHÚM 1:4 - Dios Rimashcata Quillcashcami

⁴ Pai rimashpaca, mama cuchatapish, achca yacucunatapish chaquichinmi. Basán llactapish, Carmelo urcupish, Líbano llacta sisacunapish, anguyashpa chaquinmi.

NAHÚM 1:4 Iomraidhean Croise

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

2 SAMUEL 22:16

Mandac Dios sinchita rimaricpi, singamanta sinchita pucucpimi, mama cucha ucu allpapish, cai pachata charicuc callari rumicunapish ricurirca.

JOB 38:11

Chaimantaca: “Caicamanllami chayana cangui. Caimantaca jatun huaj nicuc yacuca mana pasangachu” nircanimi.

SALMOS 104:7

Can rimacpica anchurircami. Can tulun nishpa uyaricpica, utcashpami anchurirca.

SALMOS 106:9

Puca Cuchataca rimashpallami chaquichirca. Chashnami shitashca pambata shina cucha chaupita pasachirca.

SALMOS 114:3

Israelcunata mama cucha ricushpaca callpashpami miticurca. Jordán yacuca huashamanmi cutirca.

SALMOS 114:5

Mama cuchalla, ¿imamantatac callpashpa miticurcangui? Jordán yaculla, ¿imamantatac huashaman cutircangui?

SALMOS 18:16

Diosmari jahuamanta paipac maquita chutashpa, ñucataca manchana jatun yacumanta llucchirca.

SALMOS 74:15

Canmi yacu junducunatapish, callpac yacucunatapish llucchircangui. Pi mana jarcaipac jatun yacutapish chaquichircangui.

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

ISAÍAS 42:15

Urcucunapi, lomacunapi tiyac tucui quihuata chaquichishpami shitashpa saquisha. Jatun yacucunatapish chaquishca pamba shinatami saquisha. Cuchacunatapish chaquichishami.

ISAÍAS 44:27

Ñucami allpa ucupi cac mama cuchataca: “¡Chaqui!” nini. Cancunapac llacta jatun yacucunataca: “Chaquichishami” ninimi.

ISAÍAS 51:10

¿Manachu can mama cuchata chaquichircangui? ¿Manachu can quishpichishcacuna pasachun, mama cuchata chaquichishpa ñanta ruhuarcangui?

EZEQUIEL 30:12

Nilo yacutapish chaquichishami. Chai llactataca mana allita ruhuac runacunapac maquipimi saquisha. Chaipi tiyashcacunataca caru llacta gentecunami tucuchinga. Chaitaca Mandac Dios ñucami nini.

EZEQUIEL 38:20

Mama cuchapi causac challuacunapish, volac animalcunapish, sacha animalcunapish, allpapi llucashpa puric animalcunapish, cai pachapi causac gentecunapish ñuca ñaupapimi chucchunga. Urcucunapish tuñiringami, quingraicunapish urmangami, pircacunapish tucuimi pambayanga.

AMÓS 1:2

Amosca: «¡Sión urcumanta, Jerusalenmantami Mandac Diosca león huacac shina caparishpa uyaringa! Michinapish mana tiyangachu. Carmelo urcupish chaquingami» nirca.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!

SAN MATEO 8:26

Chaimanta Jesús riccharishpaca: —Mana tucui shunguhuan criccunalla, ¿ima nishpatac yallita mancharicunguichic?— nirca. Chaimantami Jesusca jatarishpa yacutapish cuchatapish rimarca. Shina rimacpica, huairapish, cuchapish casilla tucurcami.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.