NAHÚM 1:12 - Dios Rimashcata Quillcashcami

¹² Chaimantami Mandac Diosca: “Paicunaca sinchi cashpapish, achca cashpapish, tucui huañuchishcami canga. Cantaca yallitami llaquichircani, ña mana ashtahuan llaquichishachu.

NAHÚM 1:12 Iomraidhean Croise

2 REYES 19:35

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadocunata huañuchirca. Cayandi tutamanta jatarishpaca, tucui huañushca siricuctami ricurca.

2 REYES 19:37

Senaquerib paipac dios Nisrocpac huasiman rishpa, chaipi alli nicucpimi, paipac churicuna Adramelec, Sarezer espadahuan huañuchirca. Shina huañuchishpaca, Ararat llactamanmi miticushpa rircacuna. Paipac churi Esar-hadonmi paipac randi mandarca.

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

ISAÍAS 17:14

Chishiyanata cungailla manchana llaqui japishpaca cayandi tutamantaca tucuringami. Chashnami ñucanchictaca yallita llaquichishpa shuhuaccunaca tucunga.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

ISAÍAS 31:8

Chai punzhapica Asiria llacta runacunaca jatun macanacuipimi huañunga. Shina cashpapish mana runacunachu paicunataca huañuchinga. Mana runacunapac espadahuanchu tucuringa. Jatun macanacuimantami miticushpa callpanga. Mosocunaca sinchita servishpami causanga.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

ISAÍAS 7:20

Chai punzhapica Mandac Diosca Eufrates yacu lado llactapi alquilashca navajahuanmi cancunata uma acchatapish, barbastapish, chaqui millmatapish pitinga. Chai navaja shinaca Asiria llactata jatun mandacmi canga.

ISAÍAS 8:8

Yallita mirashpami Judá llactata pasashpa chaipi causaccunataca cungacaman ucuyachinga. ¡Emanuel-lla, alasta pascac shina, shamushpami tucui cambac llactapi jundanga!

DANIEL 11:10

Chai quipaca jahua llactata jatun mandacpac churicunami yallita piñarishpa, achca soldadocunata tandachishpa macanacungapac shamunga. Chai soldadocunahuanmi yacu jundamuc shina, shamushpa tucuita tucuchishpa, cutishpaca jatun torreman yaicushpa macanacunga.

JOEL 2:19

Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

NAHÚM 1:15

¡Riquichic, sumac causaimanta alli huillaita huillacmi, jahua urcucunata shamucun! ¡Judá llactalla, canca fiestacunata ruhuailla. Can imatapish Diosman cusha nishcataca cuilla. Millaita ruhuaccunaca mana ashtahuan llaquichingachu, chaica ñami tucui chingarirca!

APOCALIPSIS 7:16

Yarcaihuanpish yacunayaihuanpish ña mana llaquita apangacunachu. Intipish, shuctac ima rupachiccunapish mana rupachingachu.