MIQUEAS 2:9 - Dios Rimashcata Quillcashcami

⁹ Ñuca llactapi causac huarmicunatapish paicuna cushilla causana huasicunamantami llucchishpa cacharcanguichic. Paicunaman ñuca cushca huahuacunatapish huiñaitami quichurcanguichic.

MIQUEAS 2:9 Iomraidhean Croise

SALMOS 72:19

¡Paipac sumaimana shutica huiñaita alli nishca cachun! Paipac sumaimana achicca tucui cai pachapi jundashca cachun. Chashna cachun, chashna cachun.

JEREMÍAS 10:20

Ñuca carpa huasipish urmashcami, huascacunapish tucui pitirishcami. Ñuca huahuacunapish mana cutingapacmi rishca. Ñuca carpata cutin shayachingapacpish, cortinacunata churangapacpish pi mana tiyanchu» nishpa caparircani.

EZEQUIEL 39:21

Chai shinami ñuca podertaca shuctac llactacunapi causaccunaman ricuchisha. Shina ruhuacpimi, tucui llactapi causaccunaca ñuca ima shina taripashpa, llaquichic cashcata yachangacuna.

JOEL 3:6

Judá llactapi, Jerusalenpi causaccunapac huahuacunataca paicunapac llactacunamanta caruman cachangapacmi Grecia llacta runacunaman caturcanguichic.

AMÓS 2:7

Huacchacunataca ñuto allpata shinami sarun. Humilde gentecunatapish pandachincunami. Taitapish, churipish, chai solterallahuantac chayarishpami, jucha illac ñuca shutitaca mapayachin.

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.

ZACARÍAS 2:5

Ñucaca Jerusalén muyundi nina rupacuc pirca shinami casha. Ñucapac sumaimana achic nicuctami Jerusalén chaupipi ricuchisha. Chaitaca Mandac Dios ñucami nini” ninmi ningui» nirca.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

MARCOS 12:40

Viudacunapac huasicunatapish quichuccunami. Chashna ruhuashpaca, alli ricurishun yuyashpami, Diosta unaita mañac tucuncuna. Chashna ruhuashcamantaca, paicunallatacmi ashtahuan llaquita apangacuna» nirca.

SAN LUCAS 20:47

Viudacunapac huasicunatapish quichuccunami. Chashna ruhuashpaca, alli ricuringapacmi unaita Diosta mañac tucun. Chashna ruhuashcamantaca, paicunallatacmi ashtahuan llaquita apanga— nirca.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.