MIQUEAS 1:8 - Dios Rimashcata Quillcashcami

⁸ Chai tucui llaquicunamantami huacashpa churanacuna illac, lluchu chaquilla purisha. Chacal, avestruz animal shinami, caparishpa huacasha.

MIQUEAS 1:8 Iomraidhean Croise

2 REYES 18:13

Ezequías chunga chuscu huatata mandacucpimi, Asiria llactata jatun mandac Senaqueribca Judá llacta muyundi pircashca pueblocunapi causaccunata huañuchishpa, chai pueblocunata japirca.

ESTER 4:1

Mardoqueoca tucui chaicunata yachashpami, paipac churanata lliquishpa sharpa churanata churarishpa, uchupahuan cahuirishpa, yallita llaquirishpa, caparishpa huacashpa pueblopi puricurca.

JOB 30:29

Ñucaca sacha animalcunapac huauquimi tucushcani. Avestruzcunahuan apanacucmi tucushcani.

SALMOS 102:6

Shitashca pambapi causac pucu shinami cani. Chaquishcapi causac mashu shinami cani.

ISAÍAS 13:21

Chaipica shitashca pambapi causac millai animalcunami causanga. Huasicunapica pucucuna, avestruzcunami causanga. Sacha chivocunami callpacunga.

ISAÍAS 13:22

Mandana huasicunapipish, paicuna cushicuna huasicunapipish hienacuna, atuccunami huacacunga. Babilonia llacta chashna llaquichina punzhacunaca ñami chayamucun. Chai punzhacunaca mana unaiyangachu» nirca.

ISAÍAS 16:9

Chaimantami Jazerpi causaccuna Sibma pambapi tiyac uvas chagramanta huacashca shina huacasha. Hesbónlla, Elealella, cancunamantami ñuca huiquita jichasha. Cosechanamantapish, granota tandana pambamantapish macanacungapacmi caparicun.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

ISAÍAS 32:11

Ima llaqui shamunata mana yuyarishpa causac huarmicunalla, manchaihuan chucchuichicyari. Sharpa churanata churarishpa llaquilla caichicyari.

JEREMÍAS 4:19

Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

JEREMÍAS 9:19

Sionmanta llaquirishpa huacashca uyarishpaca: «¡Tucuitami tucuchishca. Ñucanchic huasicunata tigrachishcami! Ñucanchic llactata shitashpa rinami canchic. ¡Yallita pingaichishcami canchic!» nishcami uyarirca.

EZEQUIEL 32:18

«Huañunalla runa, ¡Egipto llactapi causaccuna llaqui tucunamanta llaquipi cantana cantota cantai! Paicunatapish, sinchi llactacunapi causac huarmicunatapish, huañushcacunahuan pacta Seolman cachai.

MIQUEAS 2:4

Chai punzhapica cancunata burlashpami rimanga. Chaimantami cancuna huacashpaca: “¡Yallita llaquichishpa tucuchishcami canchic! Ñucanchicman cushca allpacunataca shuccunami medishpa japicun. ¡Aij, mana llaquishpami, tucui ñucanchic llactacunata quichushca!” ninguichicmi.

1 SAMUEL 19:24

Saulca paipac churanacunatapish llucchishpami, caishuc runacuna shinallatac Samuelpac ñaupapi Diosmanta huillacurcacuna. Paica tucui punzha, tucui tutami lluchulla carca. Shina tucushcamantami: «¿Saulpish, Diosmanta huillacpurallatacmi?» nincuna.