MIQUEAS 1:4 - Dios Rimashcata Quillcashcami

⁴ Pai sarucpica, urcucunapish, pambacunapish ninapi cera yacuyac shinami yacuyashpa ucuyanga. Jahuamanta yacu talliricuc shinami talliringa.

MIQUEAS 1:4 Iomraidhean Croise

SALMOS 46:6

Dios rimashca uyaricpica, allpapish yacuyanmi. Llactacunapi causaccunapish caparicunmi. Jatun mandaccunapish machashpa chucchunmi.

SALMOS 68:2

Paicunataca cushnita chingachic shina chingachichun. Diosta mana manchaccunaca huira ninapi nuyuc shinami chingaringacuna.

SALMOS 97:5

Urcucunapish huira shinami tucui cai pachata Mandac Diospac ñaupapi nuyurca.

AMÓS 9:5

Tucuita Mandac Dios cai pachapi tuparicpica, cai pachaca yacuyangami. Cai pachapi causaccunaca llaquirishpami huacanga. Cai pachaca jatun yacu shina miraricpica, Egipto jatun yacu shinami ashalla tucunga.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

ZACARÍAS 14:4

Chai punzhami Mandac Diosca Jerusalén chimbapuramanta inti llucshina ladoman cac Olivos urcu jahuapi sarunga. Chashna sarucpimi, chai urcuca inti llucshina ladomanpish, inti tigrana ladomanpish chaupiringa. Shina chaupiricpimi, chai urcu chaupica jatun pugru pamba tucunga. Chaupi urcuca jahua ladoman, caishuc chaupi urcuca ura ladomanmi saquiringa.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

JUECES 5:4

Mandac Dioslla, can Seir urcumanta llucshimucpipish, Edom pambamanta shamucpipish allpaca chucchurcami. Jahua pachamantapish tamya urmarcami. Puyumantapish tamyata shutuchircami.