MIQUEAS 1:13 - Dios Rimashcata Quillcashcami

¹³ Laquis llactapi causaccunalla, carretacunata alli callpac caballocunapi huataichicyari. Cancunami, Sionpi causaccunataca juchata ruhuanata callarichircanguichic. Israel llactapi causaccunapish cancunamantami mana cazurca.

MIQUEAS 1:13 Iomraidhean Croise

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 CRÓNICAS 32:9

Asiria llactata jatun mandac Senaqueribca Laquis pueblopi paipac tucui soldadocunahuan cashpami, paita serviccunata Jerusalenpi causac Judá llactata jatun mandac Ezequiaspacmanpish, Judá llactamanta Jerusalenpi causaccunapacmanpish cachashpaca:

JOSUÉ 10:3

Chaimantami Jerusalén pueblota jatun mandac Adonisedecca Hebrón pueblota jatun mandac Hohamta, Jarmut pueblota jatun mandac Pireamta, Laquis pueblota jatun mandac Jafiata, Eglón pueblota jatun mandac Debirtaca:

APOCALIPSIS 2:20

Shina cacpipish shuc mana allitami canpica ricuni. Jezabel huarmi yachachichunmi saquingui. Paica ‘Diosmantami yachachicuni’ nishpami paipac yachachishcacunahuanca ruhuashcalla dioscunaman cushca micunacunata micuchun, shinallatac huacllirichun nishpa ñucapacta ruhuaccunataca pandachicun.

APOCALIPSIS 2:14

Shina cacpipish asha mana allicunata ruhuacushcatami cantaca ricuni. Chaipica Balaam yachachishcacunata catishpa mana saquinata munaccunatami charingui. Paimi israelcunataca chai ruhuashcalla dioscunaman cushca micunata micuchunlla, huacllirichunlla nishpa, yachachichun Balactaca yachachishca carca.

MIQUEAS 1:5

Tucui cai llaquicunaca Jacobopac, Israelpac huahuacunapish mana cazushpa juchallishcamantami japinga. Jacobopac huahuacunaca, ¿ima juchacunatatac ruhuarcayari? ¿Manachu Samaria llactapi ruhuashca juchacuna canga? Judá llactapi causaccunaca, ¿ima juchacunatatac ruhuashcayari? ¿Manachu Jerusalenpi ruhuashca juchacuna canga?

EZEQUIEL 23:11

Paipac ñaña Oholiba chaita ricushpaca, ashtahuanmi paipac ñañata atishpa, mana allita ruhuashpa juchallirca.

JEREMÍAS 4:29

Caballopi montac soldadocunapish, flechata cacharic soldadocunapish yallita tulun nishpa shamucucta uyashpami llactapi causaccunaca jatun sachacunapi, rumi quingraicunapi miticunga. Tucui llactacunata shitashpa rishcamantami shucllapish mana tiyanga.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

ISAÍAS 37:8

Quipa mandacca Asiria llactata jatun mandac Laquis llactaman ña rishcata yachashpa cutimushpaca, Libna llactapi causaccunahuan jatun mandac macanacuctami ricurca.

ISAÍAS 10:31

Madmena llactapi causaccunapish manchashpami caparincuna. Gebim llactapi causaccunapish miticushpami callpancuna.

2 CRÓNICAS 11:9

Adoraim, Laquis, Azeca,

2 REYES 8:18

Paica Israel llactata jatun mandaccuna, Acabpac huasi ucupura shinallatacmi mana allita ruhuashpa causarca. Paipac huarmica Acabpac ushimi carca. Chashnami Mandac Diospac ñaupapi mana allita ruhuarca.

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

JOSUÉ 15:39

Laquis, Boscat, Eglón,

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

GÉNESIS 19:17

Chashna llucchishpaca: —Cancuna quishpirisha nishpaca, ama huashata chapanguichicchu. Shinallatac chai pambacunapipish ama shayaringuichicchu, ashtahuanpish urcupi miticugrichic, mana cashpaca huañunguichicmi— nirca.

1 REYES 4:28

Shinallatac pai maipi cacpipish, caballocunamanpish aparishpa puric shuctac animalcunamanpish, cebadata, ucshata apashpa richunmi mandac carca. Shinami paicunaca maiman apana tucucpipish, quillanta apaccuna carca.

2 REYES 14:19

Paita huañuchingapacmi Jerusalenpi pacalla parlanacurca. Chaimantami paica Laquis puebloman miticushpa rirca. Chai puebloman ricpipish, catishpa rishpami, chai pueblopi huañuchirca.

ISAÍAS 36:2

Asiria llactata jatun mandacmi Laquis llactamanta paipac quipa mandacta achca soldadocunahuan Jerusalenta jatun mandac Ezequias-huan macanacuchun cacharca. Chashna cachacpimi, jahua ladoman tiyac tanqueman shamuc yacu ladopi carpacunata shayachishpa tiyarirca. Chaica tacshaccunapac allpaman rina ñanpimi carca.

JOB 39:10

¿Chai huagrataca yugoshpa yapui pudinguichu? ¿Chai huagrahuan pugru pambacunata yapui pudinguichu?

JEREMÍAS 34:7

Babilonia llactata jatun mandacpac soldadocunaca Jerusalenpi causaccunahuan, Judá llactapi saquirishca Laquis, Azeca llactapi causaccunahuanmi macanacucurca. Judá llactapi muyundita pircashca llactacunaca chai ishcaillami saquirishca carca.