MIQUEAS 1:1 - Dios Rimashcata Quillcashcami

¹ Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.

MIQUEAS 1:1 Iomraidhean Croise

2 REYES 15:32

Remaliaspac churi Peka ishcai huatata Israel llactata mandacucpimi, Uziaspac churi Jotamca Judá llactata mandai callarirca.

2 REYES 15:5

Mandac Dios jatun mandacta llaquichicpimi, paica huañuna punzhacaman lepra ungüihuan huasipi chicanyachishca causarca. Mandana huasipica jatun mandacpac churi Jotammi gentecunata mandacurca.

2 REYES 16:1

Remaliaspac churi Peka chunga canchis huatata Israel llactata mandacucpimi, Jotampac churi Acazca Judá llactata mandai callarirca.

2 REYES 18:1

Elapac churi Oseas quimsa huatata Israel llactata mandacucpimi, Acazpac churi Ezequiasca Judá llactata mandai callarirca.

2 CRÓNICAS 28:1

Acazca ishcai chunga huatata charishpami, mandai callarirca. Paica chunga sucta huatatami Jerusalenpi mandarca. Mandac Diospac ñaupapica mana paipac taita David shina allita ruhuashpachu causarca.

2 CRÓNICAS 29:1

Ezequiasca ishcai chunga pichca huatata charishpami mandai callarirca. Paica ishcai chunga iscun huatatami Jerusalenpi mandarca. Paipac mamaca Zacariaspac ushi Abiasmi carca.

ISAÍAS 1:1

Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

ISAÍAS 1:2

Jahua pachapish, cai pachapish uyaichic. Mandac Dios ñucaca: «Cai huahuacunataca ñucami huiñachishpa jatunyachircani. Ashtahuanpish paicunaca ñucata piñashpami, mana cazurca.

ISAÍAS 7:1

Uziaspac churi, Jotampac churi, Acaz mandacui punzhacunapimi Remaliaspac churi jatun mandac Pekaca Israel llactata mandacurca. Paimi Siria llactata jatun mandac Rezinhuan tandanacushpa, Jerusalenpi causaccunahuan macanacungapac huichai rirca. Chashna rishpapish Jerusalentaca mana japi pudircachu.

ISAÍAS 7:9

Efrainpac llactata mandacca Samaria llactami. Samaria llactapac mandacca Remaliasmi. Cancuna mana ñucata alli crishpaca, tucuringuichicmi” nishpa huillai» nirca.

JEREMÍAS 26:18

«Judá llactata jatun mandac Ezequías mandacui huatacunapimi, Moreset llactamanta huillac Miqueas Judá llactapi tucui causaccunaman Dios huillashcata huillarca. Pai huillashpaca: “Tucuita Mandac Diosca: Sión urcuca tarpuna allpa tucushpami yapushca canga. Jerusalenca rumi montón shina, ñuca huasi shayacuc lomaca sacha urcumi tucunga” ninmi.

OSEAS 1:1

Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

OSEAS 8:14

Israelcunaca paicunata Ruhuac ñucata cungarishpami, mandana huasicunatarac ruhuarca. Judá llactapi causaccunaca muyundita pircashca llactacunatami achcata ruhuarca. Shina cacpipish, chai llactacunapi ñuca ninata japichicpimi, mandana huasicunapish tucui tucuringa» nircami.

AMÓS 1:1

Judá llactata jatun mandac Uzías mandacucpi, Israel llactataca Joaspac churi Jeroboam mandacucpi, allpa chucchungapac ishcai huata tiyacpiracmi Mandac Diosca israelcuna ima tucunata Tecoamanta ovejacunata michic Amosman huillachirca.

AMÓS 6:1

¡Sionpi cushilla causaccunalla, Samaria urcupi imatapish mana manchashpa causaccunalla! Tucui llactamanta ashtahuan alli nishca mandaccunami canguichic. Chaimantami israelcunaca cancunapacman shamun.

MIQUEAS 1:5

Tucui cai llaquicunaca Jacobopac, Israelpac huahuacunapish mana cazushpa juchallishcamantami japinga. Jacobopac huahuacunaca, ¿ima juchacunatatac ruhuarcayari? ¿Manachu Samaria llactapi ruhuashca juchacuna canga? Judá llactapi causaccunaca, ¿ima juchacunatatac ruhuashcayari? ¿Manachu Jerusalenpi ruhuashca juchacuna canga?

MIQUEAS 3:9

Cunanca, Jacobopac huahuacunata pushaccunapish, israelcunata mandaccunapish caita alli uyaichic. Cancunaca cashcata ruhuanatapish, allita ricushpa mandanatapish millanayachinguichicmi.

HABACUC 1:1

Dios ima nishcata huillac Habacucmi Dios huillashcata muscuipi shina ricurca.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.