SAN MATEO 9:34 - Dios Rimashcata Quillcashcami

³⁴ Ashtahuanpish fariseocunaca: “Cai runaca supaicunata mandac diablohuan cashpami, supaicunataca llucchishpa cachan” nircacuna.

Nuevo Testamento en Quichua Cañar 1996

³⁴ Ashtahuanpish fariseocunaca:*f** “Cai runaca supaicunata mandac diablohuan cashpami, supaicunataca llucchishpa cachanlla” nishpa rimarcacuna.

SAN MATEO 9:34 Iomraidhean Croise

SAN MATEO 10:25

Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

SAN MATEO 11:18

Vinotapish mana ubiac, mana achcata micuc Juan shamucpica: “Paica supaihuanmi” ninguichicmi.

SAN MATEO 12:22

Shuc punzhami supai japishca, ñahui mana ricuc, mana rimaric runata Jesuspacman apamurca. Chashna apamucpica, Jesusca alliyachircami. Chaimantami ñahuipish ricurca, shimipish rimarca.

SAN MATEO 12:27

Ñuca Beelzebuhuan supaicunata llucchishpa cachacpica, cancunapac yachacuccunaca, ¿pihuantac supaicunata llucchin? Chashna cacpica, paicunallatacmi cancuna pandaricushcataca ricuchincuna.

MARCOS 3:22

Jerusalén pueblomanta mandashcacunata yachachiccuna shamushpaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircami.

SAN LUCAS 11:15

Cutin maijancunaca: —Supaicunata mandac Beelzebuhuan cashpami, supaicunataca llucchishpa cachan— ninacurca.

SAN JUAN 3:20

Tucui mana allita ruhuaccunaca, paicunapac mana allita ruhuashcacuna ama achicman ricurichunmi, Achicyachictaca piñancuna.

SAN JUAN 7:20

Shina nicpimi gentecunaca: —¡Supai japishcami cangui! ¿Pitac cantaca huañuchisha nicun?— nirca.