SAN MATEO 8:8 - Dios Rimashcata Quillcashcami

⁸ Shina nicpimi, soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nilla. Chashna nicpica, alliyangallami.

Nuevo Testamento en Quichua Cañar 1996

⁸ Shina nicpi soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nillari. Chashna nicpica, ñuca servicca alliyangallami.

SAN MATEO 8:8 Iomraidhean Croise

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

SALMOS 107:20

Pai rimashpami alliyachirca. Chashnami jatun llaquimanta quishpichirca.

SALMOS 33:9

Pai rimacpimi tucui imapish ruhuarirca. Pai mandacpica maipi tiyarina pushtullapitacmi tucui imapish tiyarirca.

NÚMEROS 20:8

«Cambac varata japishpa, cambac huauqui Aaronhuan ishcai tucushpa, tucui israelcunata tandachishpa, paicunapac ñaupapi jatun rumita rimai. Shina rimacpica, chai rumimantaca yacumi llucshinga. Chai yacutaca israelcunamanpish, paicunapac animalcunamanpish ubiachingui» nirca.

SAN MATEO 3:11

Ñucaca llaquirishpa, Diosman cutirichunmi, yacuhuan bautizacuni, ashtahuanpish ñucapac quipa shamucmi, Diospac Espirituhuan, ninahuan bautizanga. Paica ñucata atishpa, ashtahuan poderyucmi. Ñucaca paipac ushutallatapish mana apaipacchu cani.

SAN MATEO 3:14

Juanca Jesusta mana bautizangaraicumi: —¿Imapactac shamungui? Ashtahuanpish canmi ñucata bautizana cangui— nirca.

SAN MATEO 8:3

Shina nicpimi Jesusca: —Ari, alliyachisha ninimi. Alliyai— nishpa, maquihuan tuparicpica, lepra ungüica runamanta chingarircami.

SAN MATEO 8:7

Shina nicpimi Jesusca: —Shinashpaca, alliyachingapac risha— nirca.

SAN MATEO 8:9

Ñucaca shuc mandacpac mandashcapish, soldadocunata mandacpishmi cani. Maijan soldadota “ri” nicpica, rinllami. Cutin maijanta “shamui” nicpica shamunllami. Ñuca servicta “imata ruhuai” nicpica, ruhuanllami— nirca.

SAN LUCAS 15:19

Cunanca ña mana cambac churi shinachu cani. Canta servic runa shinalla cachun chasqui’ nishami” nishpa yuyarirca.

SAN LUCAS 15:21

Paipac churica: “Taitito, Diostapish, cantapish piñachishpami, juchallishcani. Cunanca ña mana cambac churi shinachu cani” nirca.

SAN LUCAS 5:8

Simón Pedro, chaita ricushpa, Jesuspac ñaupapi cungurishpaca: —Apunchic Jesús, ñucaca juchasapami cani. Chaimanta ñucamanta anchurilla— nirca.

SAN JUAN 1:27

Paica quipatami shamunga. Ñucaca paipac ushuta huatashcallatapish mana pascaipacmi cani— nirca.