SAN MATEO 8:17 - Dios Rimashcata Quillcashcami

¹⁷ Chaica, Dios ima nishcata huillac Isaías huillashca pactachunmi, chashnaca tucurca. Pai huillashpaca: «Pai quiquinmi ñucanchic ungüicunatapish alliyachirca, nanaicunatapish aparca» nishcami.

Nuevo Testamento en Quichua Cañar 1996

¹⁷ Caicunaca, Diosmanta ñaupa huillac Isaías huillashca pactachunmi, chashnaca tucurca. Pai huillashpaca: “Pai quiquinmi ñucanchic ung:uicunatapish, ñucanchicta irquiyachic nanaicunatapish aparca” nishcami.

SAN MATEO 8:17 Iomraidhean Croise

GÉNESIS 22:6

Abrahamca rupachina yantata paipac churi Isaaman apachishpami, paica cuchillotapish, ninatapish apashpa, ishcaita rirca.

ISAÍAS 53:4

Ñucanchic ungüicunata apashpami, ñucanchic nanaihuan llaquita aparca. Shina cacpipish, ñucanchicca: “Diosmi chugrichishpa, llaquichishca canga” yuyarcanchicmi.

SAN MATEO 1:22

Tucui chaicunaca ñaupa Dios paimanta huillacman huillachishca pactachunmi, chashnaca tucurca.

SAN MATEO 2:15

Mandac Dios ñaupa huillacman huillachishca pactachunmi, chai llactapi Herodes huañungacaman causarcacuna. Pai huillachishpaca: «Egipto llactamantami ñuca Churitaca cayarcani» nishcami carca.

SAN MATEO 2:23

Chaiman chayashpaca, ñaupa huillaccuna huillashca pactachunmi Nazaret pueblopi causangapac rirca. Chai huillaccunaca: “Paica nazareno nishcami canga” nishca carca.

MARCOS 1:32

Inti tigrashpa tutayamucucpimi, tucui ungushcacunatapish, supai japishcacunatapish Jesuspacman pushamurca.

SAN LUCAS 4:40

Ña inti tigracucpimi, tucuilaya ungüicunata Jesuspacman apamurca. Jesusca tucui ungushcacunapac uma jahuapi maquita churashpami alliyachirca.

2 CORINTIOS 12:10

Cristomantaca ñuca imatapish mana ruhuaipaclaya cashcamantapish, ñucata camishcamantapish, ima illaclla cashcamantapish, juchanchishcamantapish, llaquichishcamantapish cushicunimi. Ñucaca imatapish mana ruhuaipaclaya cashpaca, ashtahuanmi imatapish ruhuaipaclaya cani.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.