SAN MATEO 7:5 - Dios Rimashcata Quillcashcami

⁵ Mishqui shimi, jayac shungu, cambac ñahuimantarac caspita llucchi. Chashna llucchishpami, alli ricushpa, caishucpac ñahuimanta uchilla ucshataca llucchingui.

Nuevo Testamento en Quichua Cañar 1996

⁵ Mishqui shimi, jayac shungu, puntaca cambac ñahuimantarac caspita llucchi. Chashna llucchishpami, canpish alli ricushpa, caishucpac ñahuipi tiyacuc uchilla ucshataca llucchingui.

SAN MATEO 7:5 Iomraidhean Croise

SAN MATEO 22:18

Jesusca, paicuna mana alli yuyaihuan tapuc shamushcata yachashpami paicunataca: —Mishqui shimi jayac shungu, ¿ima nishpatac ñucataca pandachishun nicunguichic?

SAN MATEO 7:3

¿Ima nishpatac quiquin ñahuipi tiyacuc caspita mana ricushpa, shucpac ñahuipi tiyacuc uchilla ucshatarac ricungui?

SAN MATEO 7:4

Cambac ñahuipi caspi tiyacucpica, ¿ima shinatac caishuctaca: “Shamui, cambac ñahuimanta ucshata llucchisha” ninguiyari?

SAN MATEO 7:6

Dios cushcataca ama allcucunaman cunguichicchu. Achca valishca perlastapish ama cuchicunaman cunguichicchu. Chashna cucpica, yangamanta sarungacunami. Chai allcucunaca cancunataca mana ricunayachishpa llaquichingami.

SAN LUCAS 12:56

Mishqui shimi jayac shungu cashpami, huaira jataricpipish, puyuta ricushpapish, punzhacuna ima shina cagricushcata yachanguichic. Cunan punzha ñuca ima ruhuacushcata ricushpaca, ¿ima nishpatac mana entendinguichic?

SAN LUCAS 13:15

Shina nicpimi Apunchic Jesusca: —¡Mishqui shimi, jayac shungu! ¿Manachu samana punzhapi cancunapac huagrata, burrotaca, cacharishpa yacuchingapacca apanguichic?

SAN LUCAS 4:23

Chashna nicucpimi Jesusca: —Maijancunaca: “Jambic runa, canllatac jambiri. Capernaúm pueblopi tucui ruhuashcacunatami uyarcanchic. Cai, can huiñashca llactapipish chashnallatac ruhuaiyari” nicunguichicmi— nirca.

SAN LUCAS 6:42

Cambac ñahuipi tiyacuc caspita manarac ricushpaca, ¿ima shinatac cambac huauquitaca: “Shuyai, cambac ñahuipi tiyacuc ucshata llucchisha” ningui? Mishqui shimi, jayac shungu, cambac ñahuipi tiyacuc caspitarac llucchi. Chashna llucchishpami, alli ricushpa, cambac huauquipac ñahuipi tiyacuc ucshataca llucchingui.

HECHOS 19:15

Chashna nicucpimi, millai supaica: «Jesustaca ricsinimi, Pablo pi cashcatapish yachanimi. Ashtahuanpish cancunaca, ¿picunatac canguichic?» nirca.