SAN MATEO 6:5 - Dios Rimashcata Quillcashcami

⁵ Cancuna Diosta mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchunmi, plaza esquinacunapi, tandanacuna huasicunapi shayarishpa mañancuna. Chashna ruhuashpaca, cai pachapacllami alli nishca cancuna. Chaica chashnatacmi can.

Nuevo Testamento en Quichua Cañar 1996

⁵ Cancuna Taita Diosman mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchun nishpallami, plaza esquinacunapi, tandanacuna huasicunapi shayarishpa mañanata munancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:5 Iomraidhean Croise

SALMOS 5:2

Jatun Mandac ñuca Dioslla, ñuca caparishpa mañashcata uyaiyari. Ñucaca canllatami mañani.

SALMOS 55:17

Tutamantapish, chaupi punzhapish, chishipish Diosta caparishpa mañashami. Paica ñuca mañashcata uyangami.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

JEREMÍAS 29:12

Shina ruhuacpica, ñucata mañangapac shamunguichicmi. Chashna mañacpica, ñucaca uyashami.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

SAN MATEO 21:22

Tucui shunguhuan crishpa, Diosta mañashpaca japinguichicmi— nirca.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

SAN MATEO 23:6

Paicunaca micungapac mizapi tiyarishpapish, tandanacuna huasicunapipish punta alli tiyarinapimi tiyarinata munancuna.

SAN MATEO 6:1

Ama gentecuna ricucucllapi allita ruhuaichicchu. Chashna ruhuacpica, jahua pacha Diosca, ima allita mana cungachu.

SAN MATEO 6:16

Cancuna ayunashpaca, ama chai mishqui shimi, jayac shungucuna shina ayunanguichicchu. Paicunaca gentecuna ricuchunllami llaquilla ñahui tucushpa ayunan. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:2

Chaimanta can huacchacunata ayudashpaca tucuiman parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 9:38

Chaimanta ashtahuan tandaccunata cachachun, Chagrayucta mañaichic— nirca.

MARCOS 11:25

Cancuna Diosta mañacushpaca, maijanta piñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga.

MARCOS 12:38

Gentecunata Jesús yachachicushpaca: «Mandashcacunata yachachiccunamanta cuidaringuichic. Paicunaca pambacaman suni churanata churarinatami munan. Shinallatac plazacunapi alabaduchunmi munan.

SAN LUCAS 11:43

¡Aij, fariseocunalla, cancunaca tandanacuna huasicunapipish, punta alli tiyarinapimi tiyarinata munanguichic! Ñancunapi tupaccuna cuyaihuan alabaduchun munanguichic.

SAN LUCAS 18:1

Diosta punzhanta mana shaicushpa mañanamanta Jesús chimbapurashpa, parlashpaca:

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

SAN LUCAS 20:47

Viudacunapac huasicunatapish quichuccunami. Chashna ruhuashpaca, alli ricuringapacmi unaita Diosta mañac tucun. Chashna ruhuashcamantaca, paicunallatacmi ashtahuan llaquita apanga— nirca.

SAN LUCAS 6:24

¡Chayuccunalla, imachari tucunguichic! Cancunaca ñami charishcahuan cushicushcanguichic.

SAN JUAN 16:24

Cunancamanca, ñuca shutipi imata mana mañashcanguichicchu. Cancunapac shungupi yallita cushicui tiyachun mañaichic, chasquinguichicmi.

EFESIOS 6:18

Diosta mañanataca ama saquichicchu. Diospac Espíritu yuyaita cushca shina mañaraichic. Mana quillanayachishpa chaparacuichic. Shinallatac Diospaclla cac tucui criccunamanta punzhanta Diosta mañaichic.

1 TESALONICENSES 5:17

Punzhanta Diosta mañaichic.

SANTIAGO 4:6

Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.