SAN MATEO 6:3 - Dios Rimashcata Quillcashcami

³ Huacchacunata can ayudashcata ama pipish yachachun.

Nuevo Testamento en Quichua Cañar 1996

³ Can huacchacunaman imata cushpaca, cambac alli ricsishcacunallamanpish ama parlaichu.

SAN MATEO 6:3 Iomraidhean Croise

SAN MATEO 12:19

Paica pihuanpish mana rimarinacungachu, ñancunapipish pai caparishcaca mana uyaringachu.

SAN MATEO 6:2

Chaimanta can huacchacunata ayudashpaca tucuiman parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:4

Can chashna pacalla ayudacpica, pacallata ricuc Diosca, can japina cashcataca cungami.

SAN MATEO 8:4

Shinallatac Jesusca: —Riqui, canta alliyachishcataca, pacta piman huillanguiman. Cunanca Israel curaman ricuchishpa, Moisés mandashca shinallatac ofrendata cugringui— nirca.

SAN MATEO 9:30

Paicunapac ñahuica pascarircami. Chaimantami Jesusca: —Pacta cancuna alli tucushcata piman huillanguichicman— nirca.

MARCOS 1:44

—Riqui, pi canta alliyachishcataca, pacta piman huillanguiman. Cunanca, Israel curaman ricuchigri. Can alliyashcata paicuna ricuchunca, Moisés mandashca shinallatac ofrendata cugringui— nishpami mandarca.

SAN JUAN 7:4

Maijanpish gentecunaman ricsichisha nishpaca, mana pacallapi imatapish ruhuanchu. Shuctac llacta gentecunamanpish milagrota ruhuashpa ricuchiyari— nirca.