SAN MATEO 6:2 - Dios Rimashcata Quillcashcami

² Chaimanta can huacchacunata ayudashpaca tucuiman parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

Nuevo Testamento en Quichua Cañar 1996

² Chaimanta can huacchacunaman imata cushpaca, ama gentecuna alli nichunlla pimanpish parlashpa puringuichu. Chashnaca mishqui shimi, jayac shungucunallami tandanacuna huasicunapipish, mai ñancunapipish gentecuna alli nichun nishpa, parlashpa purincuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:2 Iomraidhean Croise

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

SALMOS 37:21

Diosta mana manchac runaca imata mañashpapish mana cutichinchu. Ashtahuanpish cashcata ruhuac runaca llaquishpami cutichin.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 20:6

Achcacunami allita ruhuanchic nincuna. Ashtahuanpish mana llullac runataca ¿pitac taringayari?

ECLESIASTÉS 11:2

Llactaman ima llaqui shamunataca mana yachanguichu. Canchismanpish, mana cashpaca pusacmanpish carailla.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.

ISAÍAS 9:17

Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

SAN MATEO 15:7

¡Cancunaca mishqui shimi, jayac shungucuna! Dios ima nishcata huillac Isaías cancunamanta huillashpaca, allitami nirca. Paica:

SAN MATEO 16:3

Shinallatac: “Tutamanta jahuata puyu pucayashca cacpica, cunanca mana alli punzhami cagrin” ninguichicmi. Cancunaca chaicunata ricushpaca, imalaya punzha cagricushcataca yachanguichicmi. Ashtahuanpish cunan punzha ima tucucushcataca mana yachanguichicchu.

SAN MATEO 22:18

Jesusca, paicuna mana alli yuyaihuan tapuc shamushcata yachashpami paicunataca: —Mishqui shimi jayac shungu, ¿ima nishpatac ñucataca pandachishun nicunguichic?

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

SAN MATEO 23:6

Paicunaca micungapac mizapi tiyarishpapish, tandanacuna huasicunapipish punta alli tiyarinapimi tiyarinata munancuna.

SAN MATEO 24:51

Chashna shamushpami llaquichishpa, mishqui shimi jayac shungu gentecunahuan churanga. Chaipica huacaihuanmi quiru caniringa.

SAN MATEO 5:18

Cai pacha, jahua pacha tucuringacaman, mandashcacunamantaca shuc rimaillapish, shuc puntollapish mana chingaringachu, tucui pactacungallami. Chaica chashnatacmi canga.

SAN MATEO 6:16

Cancuna ayunashpaca, ama chai mishqui shimi, jayac shungucuna shina ayunanguichicchu. Paicunaca gentecuna ricuchunllami llaquilla ñahui tucushpa ayunan. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:3

Huacchacunata can ayudashcata ama pipish yachachun.

SAN MATEO 6:5

Cancuna Diosta mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchunmi, plaza esquinacunapi, tandanacuna huasicunapi shayarishpa mañancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 7:5

Mishqui shimi, jayac shungu, cambac ñahuimantarac caspita llucchi. Chashna llucchishpami, alli ricushpa, caishucpac ñahuimanta uchilla ucshataca llucchingui.

MARCOS 12:39

Paicunaca tandanacuna huasicunapipish, jatun micuicunapipish punta tiyarinata mashcashpami, tiyarinata munan.

MARCOS 7:6

Shina nicpimi, Jesusca paicunataca: —¡Mishqui shimi, jayac shungucuna canguichic! Allimi, Dios ima nishcata huillac Isaías cancunamanta quillcashpaca: “Cai gentecunaca shimillahuanmi ñucataca alli nincuna. Ashtahuanpish shunguca ñucamanta carupimi.

SAN LUCAS 11:41

Cancunaca imalla charishcata huacchacunaman caraichic. Chashna cushpami jahuashca shina chuyanlla canguichic.

SAN LUCAS 11:43

¡Aij, fariseocunalla, cancunaca tandanacuna huasicunapipish, punta alli tiyarinapimi tiyarinata munanguichic! Ñancunapi tupaccuna cuyaihuan alabaduchun munanguichic.

SAN LUCAS 12:33

Imalla charishcata catushpa, huacchacunaman cuichic. Chashna ruhuashpaca, mana ismuclla cushtalpi huacaichic shinami, jahua pacha huiñai causaipi charicyanguichic. Chaipica shuhuacpish mana yaicunchu, polillapish mana micunchu.

SAN LUCAS 12:56

Mishqui shimi jayac shungu cashpami, huaira jataricpipish, puyuta ricushpapish, punzhacuna ima shina cagricushcata yachanguichic. Cunan punzha ñuca ima ruhuacushcata ricushpaca, ¿ima nishpatac mana entendinguichic?

SAN LUCAS 13:15

Shina nicpimi Apunchic Jesusca: —¡Mishqui shimi, jayac shungu! ¿Manachu samana punzhapi cancunapac huagrata, burrotaca, cacharishpa yacuchingapacca apanguichic?

SAN LUCAS 20:46

—Mandashcacunata yachachiccuna yachachishcamanta cuidaringuichic. Paicunaca pambata aisacuc suni churanata churarishcami purinata munancuna. Plazacunapi tupaccuna paicunata manchaihuan alabachunmi munancuna. Paicunaca mai tandanacuna huasicunapipish, punta alli tiyarinacunapi tiyarinami munan. Shinallatac micungapacpish, punta alli tiyarinata mashcashpami tiyarin.

SAN LUCAS 6:24

¡Chayuccunalla, imachari tucunguichic! Cancunaca ñami charishcahuan cushicushcanguichic.

SAN LUCAS 6:42

Cambac ñahuipi tiyacuc caspita manarac ricushpaca, ¿ima shinatac cambac huauquitaca: “Shuyai, cambac ñahuipi tiyacuc ucshata llucchisha” ningui? Mishqui shimi, jayac shungu, cambac ñahuipi tiyacuc caspitarac llucchi. Chashna llucchishpami, alli ricushpa, cambac huauquipac ñahuipi tiyacuc ucshataca llucchingui.

SAN JUAN 13:29

Judasca cullquita tandacmi carca. Chaimantami maijan yachacuccunaca: «Judastami fiestapac imallata randichun nicunga, mana cashpaca, huacchacunaman cullquita cuchunmi nicunga» nishpa yuyacurca.

SAN JUAN 5:41

Gentecunalla ñucata alli nichunca mana munanichu.

SAN JUAN 5:44

Cancunaca, cancunapura alli ninacunallatami munanguichic, ashtahuanpish shuclla Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

SAN JUAN 7:18

Quiquin munaillamanta rimacca, jatun tucunallatami munan. Shina cacpipish, Cachacta jatunyachicmi, cashcata nin. Paica jaicapi mana llullanchu.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

HECHOS 10:4

Chaimanta Cornelio manchaihuan angelta ricushpaca: —Amito, ¿imatatac ningui?— nirca. Chashna nicpimi angelca: —Huacchacunaman cushcatapish, can Diosta mañashcatapish paica chasquishcami.

HECHOS 11:29

Chashna huillacpimi, Antioquía pueblo criccunaca paicuna imallata cui pudishcata Judea llacta criccunaman cuchun cachanata yuyarirca.

HECHOS 24:17

Unai huatacuna quipami, ñuca llactapi causac huacchacunaman cullquita cungapac, ofrendata cungapac Jerusalenman rircani.

HECHOS 9:36

Jope pueblopica, Tabita shuti cric huarmimi causarca. Chai shutica, griego rimaipica «Dorcas» nisha ninmi. Chai huarmimi huacchacunata ayudashpapish, shuctac allicunata ruhuashpapish causac carca.

ROMANOS 12:8

Shuccunata cunacta ruhuashca cacpica, cunashpa catichun. Shuccunaman ima illashcata cucta ruhuashca cacpica, tucui shunguhuan cushpa catichun. Mandacta ruhuashca cacpica, mandashpa catichun. Ayudacta ruhuashca cacpica, ayudashpa catichun.

1 CORINTIOS 13:3

Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish cuyaita mana charishpaca, ima mana canichu.

GÁLATAS 2:10

Shinallatac huacchacunatapish yuyarichunmi nircacuna. Chaitaca tucui shunguhuanmi pactachina yuyailla cani.

EFESIOS 4:28

Shuhuac cashpapish shuhuanata saquishpa, trabajanata yuyaichic. Shina quiquin maquihuan trabajashpami, huacchacunaman imata cungapacpish charinguichic.

1 TESALONICENSES 2:6

Cancunapac, shuccunapac pipac ñaupapipish mana alli nishca gentecuna shina ricurishun nircanchicchu.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

FILEMÓN 1:7

Cuyashca huauqui, cambac cuyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

HEBREOS 13:16

Caishuc chaishuc ayudanacushpa, allita ruhuanataca amatac saquinguichicchu. Chaimi animalta Diosman cushpa rupachic shina can. Chaitami Diosca cushilla chasquin.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

1 SAMUEL 15:30

Shina nicpimi Saulca: —Ñucaca juchatami ruhuashcani. Shina cacpipish, israelcunata pushac yuyaccunapac ñaupapish, israelcunapac ñaupapipish jatun mandac cashca shinallatac ñucata alli ningui. Canta Mandac Diosta alli nishpa mañangapac ñucahuan cutishun— nirca.