SAN MATEO 6:19 - Dios Rimashcata Quillcashcami

¹⁹ Ama cai pachallapi chayuc canata munaichicchu. Chai charishcacunataca polillapish micunllami, ismunllami. Huasita jutcushpa shuhuanllami.

Nuevo Testamento en Quichua Cañar 1996

¹⁹ Cai pachallapi chayuc canataca, ama munaichicchu. Chai charishcacunataca polillapish micunllami, shuhuacunapish huasita jutcushpa shuhuanllami. Mana cashpaca chaicunaca ismushpa tucurinllami.

SAN MATEO 6:19 Iomraidhean Croise

JOB 24:16

Shuhuacca tutayacpimi shuhuangapac huasipi yaicun. Punzhaca ucupimi huichcarin. Achictaca mana munanchu.

JOB 31:24

Curipi ñuca shunguta churashca cashpaca, shinallatac alli curita: “Canmi ñuca shuyanaca cangui” nimanmi carcani.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SALMOS 62:10

Ama imata quichuna, shuhuana yuyailla caichicchu. Imata yallita charishpapish ama chai charishcapi shunguta churaichicchu.

ÉXODO 22:2

Maijan huasipi shuhuacucta japishpa, huañuchishpaca, mana juchanchishcachu canga.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

PROVERBIOS 16:16

Alli yachaitaca alli curitapish yallimi mashcana. Alli yuyaiyuc canaca cullquita yallimi alli.

ECLESIASTÉS 2:26

Diosca, paipac ñaupapi alli causac runallamanmi alli yuyaita, alli yachaita, cushicuita cun. Ashtahuanpish juchayuc runamanca charishca jahuapish, ashtahuan tandachichunmi cun. Chai huacaichishcacunataca Diospac ñaupapi alli causac runaman cungapacmi chashnaca cun. Chaicunapish huairata caticuc shina yangallami.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

SAN MATEO 19:21

Chashna nicpimi Jesusca: —Diospac ñaupapi alli canata munashpaca, tucui charishcacunata catushpa, huacchacunaman cugri. Chashna ruhuashpami, jahua pachapica achcata charingui. Chashna ruhuashpaca, ñucata catilla— nirca.

SAN MATEO 6:20

Ashtahuanpish jahua pachapi chayuc canata munaichic. Chaipica polillapish mana micunchu, mana ismunchu, mana shuhuanchu.

SAN LUCAS 12:21

Quiquinpaclla charinata munaccunaca, Diospac ñaupapica imata mana charinchu. Chaica chashnatacmi» nirca.

SAN LUCAS 12:33

Imalla charishcata catushpa, huacchacunaman cuichic. Chashna ruhuashpaca, mana ismuclla cushtalpi huacaichic shinami, jahua pacha huiñai causaipi charicyanguichic. Chaipica shuhuacpish mana yaicunchu, polillapish mana micunchu.

SAN LUCAS 12:39

Caita yuyarichic: Huasiyuc ima horas shuhuac shamunata yachashpaca, huasimanta imata shuhuachun mana saquinmanchu.

SAN LUCAS 18:22

Shina nicpimi Jesusca: —Caitapishmi ruhuana cangui: Tucui charishcacunata catushpa, huacchacunaman cugri. Chashna ruhuashpaca, jahua pachapimi achcata charingui. Chashna cushpaca, ñucata catilla— nirca.

SAN LUCAS 18:24

Chashna llaquilla tucucta ricushpami Jesusca: —¡Chayuccuna Dios mandacucman yaicunaca sinchimi!

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.