SAN MATEO 6:12 - Dios Rimashcata Quillcashcami

¹² Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

Nuevo Testamento en Quichua Cañar 1996

¹² Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

SAN MATEO 6:12 Iomraidhean Croise

1 REYES 8:30

Canta servic ñucapish, can acllashca israelcunapish cai huasipi mañashcataca uyanguiyari. Can causana jahua pachamanta uyashpa juchacunatapish perdonanguiyari.

1 REYES 8:34

jahua pachapi uyashpami, can acllashca israelcunapac juchata perdonangui. Shina perdonashpaca, paicunapac ñaupa taitacunaman can cushca llactaman cutichimunguiyari.

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

1 REYES 8:50

Can acllashca gentecuna juchata ruhuashpa, canta piñachishcata tucui mana alli ruhuashcata perdonanguiyari. Paicunata llaquichingapac apaccunata llaquina yuyaita cunguiyari.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

SALMOS 32:1

Mana cazushcata perdonashca, tucui juchacunatapish cungarishca runaca mai cushicunmi.

ÉXODO 34:7

Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

DANIEL 9:19

¡Mandac Dioslla, uyaiyari! ¡Dioslla, cambac shutipimi can acllashca pueblomanta, can acllashcacunamanta mañacunchic! ¡Ama unayaichuyari!” nishpami mañarcani.

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

SAN MATEO 9:2

Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca perdonanimi— nirca.

MARCOS 11:25

Cancuna Diosta mañacushpaca, maijanta piñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga.

SAN LUCAS 11:4

Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui” ninguichic— nirca.

SAN LUCAS 13:4

Siloé torre tigrashpa, chunga pusacta ñitishca huañuccunaca, ¿tucui Jerusalenpi causaccunamanta yalli juchayuccuna cashcamantami huañushca canga yuyanguichicchu?

SAN LUCAS 6:37

Ama shuccunata juzgaichichicchu. Shina mana juzgacpica, Diospish cancunata mana juzgangachu. Ama shuccunata juchanchichicchu. Shina mana juchanchicpica, Diospish cancunata mana juchanchingachu. Shuccunata perdonaichic. Chashna perdonacpica, Diospish cancunapac juchacunata perdonangami.

HECHOS 13:38

Tandanacushca huauquicunalla, cai ñuca huillashcata alli yachaichic: Cancuna Jesusta cricpimi, Diosca cancunapac juchacunata perdonanga.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

COLOSENSES 3:13

Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.