SAN MATEO 6:10 - Dios Rimashcata Quillcashcami

¹⁰ Can mandana punzha shamuchun. Ima shinami jahua pachapi can munashca ruhuaricun, chai shinallatac cai pachapipish ruhuarichun.

Nuevo Testamento en Quichua Cañar 1996

¹⁰ Can mandana punzha shamuchun. Ima shinami jahua pachapi can munashca ruhuaricun, shinallatac cai pachapipish can munashca ruhuarichun.

SAN MATEO 6:10 Iomraidhean Croise

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

DANIEL 7:13

Tuta muscuipi shina ricucucpimi, jahua pacha puyupi Runa tucushcapac churi shina, maijanchari shamucucta ricurcani. Chai yuyac runapac ñaupaman shamucpimi, yuyac runapacman pusharca.

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN MATEO 12:50

Maijanpish jahua pacha ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, llaquita ñuca apanatac cacpica, can munashca shina cachun— nirca.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 4:17

Chaimanta pachami Jesusca: «Diosca ñami mandagrin. Chaimanta juchayuc cashcamanta llaquirishpa, Diosman cutirichic» nishpa, huillai callarirca.

SAN MATEO 7:21

Mana tucui ‘Apunchic Jesús, Apunchic Jesús’ niccunachu jahua pacha Dios mandacucmanca yaicunga, ashtahuanpish jahua pacha cac ñuca Taita munashcata ruhuaccunallami yaicunga.

MARCOS 11:10

¡Ñucanchic ñaupa mandac David mandashca shina mandangapac shamucucca, alli nishca cachun! ¡Jahua pachapipish alli nishca cachun!— nircacuna.

MARCOS 3:35

Maijanpish Dios munashcata ruhuacmi ñuca huauqui, ñuca pani, ñuca mamaca— nirca.

SAN LUCAS 19:11

Jesús Jerusalenman chayagricushpaca, gentecuna: “Dios mandanaca ñami chayamugrin” yuyacucta yachashpami chimbapurashca parlohuan parlarca. Pai chashna parlashpaca:

SAN LUCAS 19:38

Paicuna caparishpaca: —¡Diospac shutipi shamucuc Jatun Mandacca alli nishca cachun! ¡Jahua pachapipish alli sumac cushicui cachun! ¡Diostapish alli nishca cachun!— nishpami caparirca.

SAN LUCAS 22:42

Pai mañashpaca: «Ñuca Taitalla, can munashpaca, cai jayac ubiana shina llaquita ñucamanta anchuchiyari. Shina cacpipish, ama ñuca munashca shina ruhuaichu, ashtahuanpish can munashcata ruhuai» nirca.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SAN JUAN 6:40

Taitaca paipac Churita maijanpish ricushpa crishpaca, huiñai causaita charichunmi munan. Ñucami tucuri punzhapi paicunataca causachisha— nirca.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

HECHOS 13:22

Saulta llucchishpaca, Davidtami jatun mandac cachun churarca. Diosca Davidmanta rimashpaca: “Isaipac churi Davidllami ñuca ima nishcata ruhuashpa, ñuca munashca shina mandanga” nirca.

HECHOS 21:14

Chaimanta ima shina mana jarcai pudishpami: —Mandac Dios pai munashcata ruhuachun— nircanchic.

HECHOS 22:14

Chaipimi paica: “Ñucanchic ñaupa taitacunata Mandac Diosmi, pai munashcata yachachun, pai cachashca Jucha Illac Cristota ricuchun, pai rimashcatapish uyachunmi, cantaca ñaupaman acllashca.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

EFESIOS 6:6

Imata ruhuashpapish, ama paicunapi ricuringaraiculla, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, ruhuaichic.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

1 TESALONICENSES 4:3

Diosca jucha illac causachunmi munan. Ama huainayachun,

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi Diosca munan.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.

HEBREOS 10:7

Chaimantami ñucaca: “¡Jatun Dioslla, quillcachishcapi nishca shinami, can munashcata ruhuangapac shamuni!” nircani» nirca.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Diosca munan.

1 PEDRO 4:2

Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

APOCALIPSIS 19:6

Chai quipaca achca gentecuna yacu huaj nicuc shina, relampa tulun nic shina rimacuctami uyarcani. Paicunaca: «¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!

APOCALIPSIS 20:4

Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.