SAN MATEO 5:9 - Dios Rimashcata Quillcashcami

⁹ Piñanacushcata allichiccuna, ¡cushicuichic! Cancunami Diospac huahuacuna canguichic.

Nuevo Testamento en Quichua Cañar 1996

⁹ P'iñanacushcata allichiccuna, ¡cushicuichic! Cancunatami Taita Diosca: ‘Ñuca huahuacunami canguichic’ ninga.

SAN MATEO 5:9 Iomraidhean Croise

1 CRÓNICAS 12:17

David paicunahuan tupangapac llucshishpaca: —Cushi causai tiyachun, shinallatac ñucata ayudangapac shamushca cacpica, tucui shunguhuanmi ñucahuan tandarichun chasquisha. Ashtahuanpish ñuca maquihuan ima mana allita mana ruhuashca cacpipish, ñucata piñaccunaman cungapac shamucpica, ñucanchic ñaupa taitacunapac Diosllatac ricushpa, cancunata llaquichichun— nirca.

SALMOS 120:6

Cushilla causaita piñac gentecunahuanmi unai huatata llaquilla causashcani.

SALMOS 34:12

¿Maijantac unaita causasha ninguichic? ¿Maijantac unai huatacunata allita ricushpa causasha ninguichic?

SAN MATEO 5:45

Chashnami jahua pacha Diospac huahuacuna canguichic. Paica allicunaman, mana allicunaman, paita cazuccunaman, mana cazuccunamanmi intitapish, tamyatapish cachanlla.

SAN MATEO 5:48

Jahua pacha Dios ima shinami allita can, chashnallatac cancunapish allita caichic.

SAN LUCAS 20:36

Dios causachishca cashcamantaca, pai acllashcacunami canga. Shinallatac angelcuna shinami canga. Chaimanta paicunaca ña mana huañungachu.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

HECHOS 7:26

Quipa punzha ricungapac rishpa, israelcunapurallatac macanacucucta ricushpaca: “Cancunaca huauquindimi canguichic. ¿Ima nishpatac cashna macanacucunguichic?” nirca.

ROMANOS 12:18

Tucuihuan cushilla causanata munaichic.

ROMANOS 8:14

Tucui Diospac Espíritu munashca shina causaccunami Diospac huahuacuna can.

ROMANOS 8:16

Diospac Espiritullatacmi ñucanchic espirituman Diospac huahua cashcata huillan.

ROMANOS 8:19

Tucui Dios ruhuashcacunami, maijancunalla Diospac huahuacuna cashcata ricuna yuyailla shuyacun.

1 CORINTIOS 6:6

Cancunaca mana piñanacunguichillachu ashtahuanpish mana cric juezcunapacmanmi chaita allichichun nishpa ringuichic.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa catichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc, cuyac Diosca cancunahuan canga.

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

FILIPENSES 4:2

Evodiahuan, Sintiquehuanpish Apunchic Jesuspac cashcamantaca: “Imapipish shuc yuyailla caichic” nishpami mañani.

COLOSENSES 3:13

Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.