SAN MATEO 5:7 - Dios Rimashcata Quillcashcami

⁷ Llaquiccuna, ¡cushicuichic! Cancunatapish Diosca llaquingami.

Nuevo Testamento en Quichua Cañar 1996

⁷ Shuccunata llaquiccuna, ¡cushicuichic! Cancunatapish Taita Diosca llaquingami.

SAN MATEO 5:7 Iomraidhean Croise

2 SAMUEL 17:28

Paicunaca Davidmanpish, paipac gentecunamanpish camacunata, vasocunata, mangacunata shinallatac trigota, cebada camchata shinallatac harinata, habasta, lentejata,

2 SAMUEL 22:26

Llaquic runataca llaquinguimi, Imatapish mana pandaric runahuanca allimi cangui.

SALMOS 112:4

Paica llaquicmi, caracmi, cashcata ruhuacmi. Cashcata ruhuaccunapacca amsapi luz achicyachicuc shinami.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

SALMOS 18:25

Llaquiccunahuanca llaquic cashcallatatacmi ricuchingui. Mana pandaric runamanca canpish allicunallatatacmi ruhuangui.

SALMOS 37:26

Paica ima punzhapish llaquishpa mañachinllami. Paipac huahua huahuacunapish bendiciashcami canga.

PROVERBIOS 11:17

Pitapish llaquic runaca paipac shungumanmi allita ruhuan. Ashtahuanpish yallita llaquichic runaca paillatacmi llaqui tucun.

PROVERBIOS 11:25

Shuccunaman imatapish carac alli shungu runaca tucuitami charin. Shuccunaman mana nicta caracca paipish mana nictami micunga.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

ISAÍAS 57:1

Cashcata ruhuac runa huañucpica, pipish mana yuyarinchu. Llaquic runa chingaricpica, pipish mana entendinchu. Chashna huañushpa llaquimanta anchuchishcataca pi mana yuyarinchu.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

OSEAS 2:1

Cancunaca cancunapac huauquicunataca: «Mana Dios acllashcachu» ninguichicmi. Cutin cancunapac panicunataca: «Mana llaquishcachu» ninguichicmi.

OSEAS 2:23

Israelcunataca ñucapac cachunmi tarpuc shina, cai llactapica churasha. Shina churashpami, Lo-ruhamataca llaquisha. Lo-ammitaca: «¡Canca ñuca acllashcami cangui!» nishami. Paica: «¡Ñuca Mandac Diosmi cangui!» ningami.

MIQUEAS 6:8

Huañunalla runa, ñami Mandac Diosca ima alli canataca huillarca. Mandac Diosca cashcata ruhuachun, llaquic cachun, paipac ñaupapi cumurichunmi munan.

MARCOS 11:25

Cancuna Diosta mañacushpaca, maijanta piñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga.

SAN LUCAS 6:35

Cancunata piñaccunata cuyaichic, paicunaman allita ruhuaichic. Imata mañachishpaca, ama chasquina yuyaihuan caichicchu. Chashna ruhuashpami, allicunata japinguichic. Jahua pacha Diospac huahuacunapishmi canguichic. Diosca mana paita pagui niccunatapish, millaicunatapish llaquinmi.

ROMANOS 11:30

Cancunapish ñaupaca Diosta mana cazuccunami carcanguichic. Shina cacpipish, cunanca israelcuna mana cazushcamantami Diosca cancunatapish llaquicun.

1 CORINTIOS 7:25

Carihuan manarac chayarishca solteracunata yachachingapacca, Apunchic Jesús mandashcataca mana charinichu. Shina cashpapish Apunchic Jesús cuyashcamantami, ñuca yuyaimanta caitaca chashna nini. Chaitaca tucui shunguhuan uyaichicyari:

2 CORINTIOS 4:1

Chaimantami Dios llaquishpa cai ruhuanata ñucanchicman mingashcamantaca, mana saquishpa ruhuacunchiclla.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

1 TIMOTEO 1:16

Jesucristo llaquic cashcata ricuchunmi, yallita ñuca juchayuc cacpipish, Diosca ñucata llaquirca. Chashnami maijanpish Jesusta crishpa huiñai causaita japina cashcata ricuchingapac ñucataca acllarca.

HEBREOS 4:16

Chaimanta cuyac Dios ñucanchicta llaquichun, paipac jatun cuyaimanta ayudachun, paipacman tucui shunguhuan cuchuyashpa mañashunchic.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

1 PEDRO 2:10

Cancunaca ñaupaca Diospac acllashcacunaca mana carcanguichicchu. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Cunanca Dios llaquishcami canguichic.