SAN MATEO 5:39 - Dios Rimashcata Quillcashcami

³⁹ Ashtahuanpish ñucaca: Piñactaca ama piñanguichu, ashtahuanpish maijan canta alli lado jazhapi huactacpica, lluqui lado jazhapipish huactachun saquingui.

Nuevo Testamento en Quichua Cañar 1996

³⁹ Ashtahuanpish ñucaca cashnami nini: Maijanpish canta ima millaita ruhuachunca, ama p'iñarichu, ashtahuanpish maijan canta alli lado jazhapi huactacpica, lluqui lado jazhapipish huactachun saquinguilla.

SAN MATEO 5:39 Iomraidhean Croise

1 REYES 22:24

Shina nicpimi, Quenaanapac churi Sedequías Micaiaspacman cuchuyashpa ñahuipi huactashpaca: —Mandac Diospac espirituca ¿Maijan ñantata ñucamanta anchurishpaca canman huillangapacca rircayari?— nirca.

JOB 16:10

Ñucata piñashpami rimarircacuna. Ñucata rimashpa llaquichishpami chulla lado ñahuipi huactashpa chugrichircacuna. Ñucata piñashpami tucui mashna tandanacurca.

PROVERBIOS 20:22

Canca: «Ñucapish llaquichishami» ama ninguichu. Ashtahuanpish Mandac Diosllata shuyangui. Paimi quishpichinga.

PROVERBIOS 24:29

Ama: «Pai imata ruhuashca shinallatacmi ruhuasha, pai llaquichishca shinallatacmi llaquichisha» ninguichu.

ISAÍAS 50:6

Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.

LAMENTACIONES 3:30

Chugrichic runaman ñahui ladota ricuchichunlla, camishpa rimashcatapish chasquichunlla.

LEVÍTICO 19:18

Shuccuna llaquichicpica, ama chai shinallatac canpish llaquichinguichu, ama piñashcalla puringuichu. Chaipac randica, can quiquin ima shinami cuyaringui, chashnallatac shuccunatapish cuyangui. Ñucami Mandac Dios cani.

MIQUEAS 5:1

¡Sinchi runanacuna causana Jerusalenlla, tandanacuichicyari! ¡Piñaccunaca pueblota muyushpami shayacun! Israel llacta jueztaca ñahuipi varahuan huactashpami chugrichinga.

SAN MATEO 5:40

Maijanpish camisata quichusha nishpa juezpacman cayachicpica, ashtahuan valishca jahualla churanatapish cungui.

SAN LUCAS 22:64

Ñahuita pañohuan huatashpa, huactashpaca: —¿Maijantac huactanchic? ¡Huillai!— nircami.

SAN LUCAS 6:7

Mandashcacunata yachachiccunapish, fariseocunapish samana punzhapi chai runata Jesús alliyachictami ricuracurca. Chaica, samana punzhapi alliyachicpica, juchanchingapacmi chaparacurca.

SAN JUAN 18:23

Chashna huactacpimi Jesusca: —Mana alli rimashca cacpica, ima mana allita rimashcata ni. Ashtahuanpish allita nishca cacpica, ¿imamantatac huactangui?— nirca.

1 CORINTIOS 6:7

Cancunapura chashna piñanacushcaca, ñami shuc pingai ricurin. Chaipac randica mana allita ruhuacpipish, shuhuacpipish ¿manachu saquinalla canga?

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

HEBREOS 12:4

Cancunaca juchata atingapac mana huañushpa, yahuarta jichashcanguichicchu.

SANTIAGO 5:6

Mana cariyacpac gentecunatami, cancunaca juchanchishpa huañuchishcanguichic.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.