SAN MATEO 5:22 - Dios Rimashcata Quillcashcami

²² Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

Nuevo Testamento en Quichua Cañar 1996

²² Ashtahuanpish ñucacarin cashnami nini: Maijanpish p'iñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish maipish cachun rimactaca, ucu pacha ninaman shitana nishcami canga.

SAN MATEO 5:22 Iomraidhean Croise

GÉNESIS 37:4

Taita Israelpac caishuc churicunata paicunata atishpa, Joseta ashtahuan cuyac cashcamantami Josetaca mana ricunayachishpa, piñashcalla parlac carca.

GÉNESIS 37:8

Chashna parlacpimi, Josepac huauquicunaca: —¿Canchu ñucanchicta mandangapac shayarigringui?— nirca. Josetaca muscushcamantapish, parlashcamantapish piñashpami, ashtahuan mana ricunayachirca.

2 SAMUEL 16:7

Simei maldiciashpaca: «¡Huañuchic millai runa caimanta llucshi!

2 SAMUEL 6:20

Chai quipami, Davidca paipac familiacunata bendiciangapac cutirca. Ña David huasiman chayacpimi, Saulpac ushi Micalca Davidta tupangapac llucshishpaca: —¡Cunanca, israelcunata jatun mandacca paita serviccunapac ñaupapi maijanpish cullquimanta servic shina lluchulla danzashpaca allitamari ricuchishca!— nirca.

1 REYES 21:4

Nabot: «Ñuca taitacuna saquishca allpata mana cushachu» nishcamantami, Acabca mai llaquirishpa piñarishcata ricuchishpa paipac huasiman rirca. Huasiman chayashpaca camapi siririshpa pirca ladota chapashpami micunatapish mana munarca.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

2 CRÓNICAS 19:5

Judá llactapi cac muyundi jatun pircashca pueblocunapica tucuipimi juezcunata churarca.

NEHEMÍAS 5:8

tandachishpaca: —Ñucanchicca, ñucanchic pudishcahuanmi Judá llactapi causac cancunapac huauquicunata, shuctac llacta millai gentecunaman catushcataca cutin randishpa cutichimushcanchic. ¡Shina cacpipish, cancunaca ñucanchicllatac cutin randichunmi cancunapac huauquicunataca cutin catucunguichic!— nircani. Chashna nicpi, paicuna upalla saquiricpimi,

SALMOS 109:3

Ñucata mana ricunayachishpami ñuca muyundipi shayarishpa rimarca. Shinallatac manapish, paita imata ruhuacpimi ñucahuan macanacurca.

SALMOS 14:1

Muspa runaca: «Diosca mana tiyanchu» ninmi. Tucuimi ismushca shina tucushpa, millana juchacunata ruhuancuna. Allita ruhuacca shucllapish mana tiyanchu.

SALMOS 25:3

Maijanpish canpi shunguta churaccunaca mana pingaichishcachu canga. Llullashpa cambac contra jatariccunami pingaichishca canga.

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

SALMOS 37:8

Yallita piñarinata cungaringui. Chai piñarina yuyaita saquingui. Mana allita ruhuanataca amatac munanguichu.

SALMOS 49:10

Yachaccunapish huañunllatacmi. Rumi shungu runapish, mana entendic runapish chingarinllami. Paicuna charishcacunaca shuccunapacmi saquirin.

SALMOS 69:4

Ñucata yanga piñaccunaca ñuca acchatapish yallimi mirashca. Ñucata yanga llaquichiccunaca ashtahuanmi sinchiyashcacuna. ¡Manapish shuhuashca cashpami paimanca cutichishcani!

SALMOS 7:4

ricsishca runa ñucaman allita ruhuashca jahua ñuca paita mana allita ruhuashca cacpi, ñucata piñacta manapish faltayuc cacpi, llaquichishca cacpica,

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

PROVERBIOS 14:16

Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

PROVERBIOS 18:6

Yuyai illac runa rimashpaca piñanacuillapimi churan. Paipac rimashcaca llaquichichunmi caparicun.

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

LAMENTACIONES 3:52

Ñucata piñaccunaca manapish juchayuc cacpimi, zhutata shina japinata munarca.

DANIEL 3:13

Chashna nicpimi, Nabucodonosorca yallita piñarishpa, Sadracta, Misacta, Abed-negota pushamuchun cacharca. Chashna mandacpimi, chai runacunata jatun mandacpac ñaupaman pushamurca.

DANIEL 3:19

Shina nicpimi, Sadrac-huan, Misac-huan, Abed-negohuan yallita piñarishpa ñahui shuctaclaya tucurca. Chaimantami hornotaca canchis cutinhuan yalli rupacyachichun mandarca.

ABDÍAS 1:10

Cambac huauqui Jacobota ñacachishcamantami pingaichishpa, huiñaita chingachishca cangui.

ABDÍAS 1:12

Cambac huauqui llaquihuan cai punzhapica, mana cushicunachu carcangui. Judá llactapi causaccuna chingaricui punzhapica, mana asinachu carcangui. Paicuna jatun llaquita apacui punzhapica, mana jatun tucunachu carcangui.

SAN MATEO 10:17

Cuidaringuichic, mandaccunapacmanpish japichingami. Tandanacuna huasicunapimi macanga.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN MATEO 12:24

Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 18:21

Chaimanta Pedroca Jesuspacman shamushpaca: —Apunchic Jesús, ¿mashna cutincamantac ñucata piñachictaca perdonasha? ¿Canchis cutinchu perdonasha?— nirca.

SAN MATEO 18:35

Jesusca: —Chashnallatacmi jahua pacha Taitapish cancunapura tucui shunguhuan mana perdonanacucpica ruhuanga— nirca.

SAN MATEO 23:15

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunata caticcunata mashcashpami, mama cuchata, allpata puringuichic. Tarishpaca, cancunata yalli ucu pachaman rinallatami ruhuanguichic.

SAN MATEO 23:33

¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 26:59

Curacunata mandac curacunapish, tandanacushca mandaccunapish, Jesusta huañuchingapacmi llullashpa huillaccunata mashcarca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

SAN MATEO 5:34

Ashtahuanpish ñucaca cashnami nini: Diospac shutipica shinachari jahua pacha Dios mandashpa tiyarinamantapish,

SAN MATEO 5:44

Ashtahuanpish ñucaca: Piñaccunata cuyaichic, shinallatac cancunata llaquichiccunamanta Diosta mañaichic ninimi

MARCOS 14:55

Curacunata mandac curacunapish, tandanacushca mandaccunapish Jesusta huañuchingapacmi, llullashpa huillaccunata cayachirca. Chashna cayachishpapish ima mana allita ruhuashcataca mana tarircachu.

MARCOS 15:1

Tutamanta ña pacarimucucpimi, Israel curacunata mandac curacunaca pushac yuyaccunahuanpish, mandashcacunata yachachiccunahuanpish, caishuc mandaccunahuanpish parlangapac tandanacurca. Chai quipami, mandac Pilatopac ñaupaman Jesustaca huatashpa aparcacuna.

SAN LUCAS 12:5

Cancuna pita manchana cashcatami yachachigrini: Huañushca quipa, ucu pachaman cachac Diosta manchaichic. Ari, paillatami manchana canguichic.

SAN LUCAS 22:66

Ña punzhayacpimi, Israel curacunata mandac curacunapish, cunac yuyaccunapish, mandashcacunata yachachiccunapish tandanacushca mandaccunapacman Jesusta aparca. Chaiman apacpica:

SAN JUAN 11:47

Shina huillacpi, curacunata mandac curacunapish, fariseocunapish mandaccunapura tandanacushpaca: —Chai runataca, ¿imatatac ruhuanchic? Paica tauca milagrocunatami ruhuacun.

SAN JUAN 15:25

Chaica mandashpa quillcashcapi: “Manapish juchayuc cacpimi, piñarca” nishca pactachunmi, chashnaca tucurca.

SAN JUAN 7:20

Shina nicpimi gentecunaca: —¡Supai japishcami cangui! ¿Pitac cantaca huañuchisha nicun?— nirca.

SAN JUAN 8:48

Chaimantami mandac israelcunaca Jesustaca: —Ñucanchic: “Canca Samaria llactamantami cangui, shinallatac supaihuanmi cangui” nishpaca, allitami nishcanchic— nirca.

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

HECHOS 22:30

Huaranga soldadocunata mandacca israelcuna imamanta Pablota huañuchigricushcata yachanata munashpami, cayandi punzhaca Israel curacunata mandac curacunatapish, tandanacushca mandaccunatapish tandachirca. Chashna tandachishpami, Pablotaca cadenahuan huatashcamanta cacharichishpa, paicunapac ñaupaman aparca.

HECHOS 23:1

Chai tandanacushca mandaccunata ricushpami Pabloca: —Huauquicuna, ñucaca cunan punzhacamanmi, Diospac ñaupapica alli shunguhuan causacuni— nirca.

HECHOS 24:20

Mana cashpaca, caipi caccunallatac tandanacushca mandaccunapacman ñucata apashpa, ima mana allita tarishcata huillachun.

HECHOS 4:15

Chaimanta paicunata canzhaman cachashpa, tandanacushca mandaccunapura

HECHOS 5:21

Ángel chashna nicpimi, tutamanta, Diosta mañana huasiman rishpa, yachachi callarirca. Chaimantami curacunata mandac curaca tucui paihuan caccunahuan rishpa, tucui israelcunata pushac yuyaccunatapish, mandaccunatapish tandachirca. Chai quipami, apostolcunata carcelmanta apamuchun cacharca.

HECHOS 5:27

Paicunata apamushpaca, tandanacushca mandaccunapac ñaupamanmi chayachirca. Chaipi, curacunata mandac cura paicunata tapushpaca:

HECHOS 6:12

Paicuna chashna llullacpimi, israelcunata pushac yuyaccunapish, mandashcacunata yachachiccunapish, tucui chaipi caccunapish Estebanta piñai callarirca. Chaimantami paita japishpa, tandanacushca mandaccunapacman aparcacuna.

HECHOS 6:15

Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

HECHOS 7:37

Chai Moisesllatacmi israelcunataca: “Cancunata Mandac Diosca ñucata cachashca shinami, cancunapuramanta shuc huillacta cachanga. Pai ima nishcata cazunguichic” nirca.

ROMANOS 12:10

Huauquindipura shina caishuc chaishuc-huan cuyanacuichic. Shuccunahuan sumacta causaichic.

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

1 CORINTIOS 6:6

Cancunaca mana piñanacunguichillachu ashtahuanpish mana cric juezcunapacmanmi chaita allichichun nishpa ringuichic.

DEUTERONOMIO 15:11

Cai llactapica huacchacunaca mana illangachu. Chaimantami cancunapac llactapi imata mana chariccunataca maquita pascashpa ayudana canguichic.

DEUTERONOMIO 16:18

Mandac Dios cancunaman cugricuc llactacunapica cashcata ruhuashpa mandachun juezcunatapish, shuctac mandaccunatapish churanguichic.

1 TESALONICENSES 4:6

Pacta chashna mana allita ruhuashpa, maijan huauquita umashpa mana allita ruhuanguichicman. Chashna ruhuaccunataca tucuitami Apunchic Jesusca llaquichinga.

TITO 3:2

pitapish mana allichu nishpa ama rimachun, pihuanpish mana piñanacushpa, caishuc chaishuc-huan apanacushpa, cuyac shunguhuan cachuncuna yuyachishpa yachachingui.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

SANTIAGO 2:20

Ama upa shina caichu. Can crishpapish, ima allita mana ruhuashpaca, huañushca shinallatacmi cangui.

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

1 JUAN 2:9

Maijanpish ñucaca achic luzpimi cani nishpapish huauquita piñashpaca, amsapirami causacun.

1 JUAN 3:10

Maijanpish cashcata mana ruhuashpa, criccunata mana cuyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami can.

1 JUAN 5:16

Maijanpish shuc huauqui mana huañuiman apacuc juchata ruhuacta ricushpaca, paimanta Diosta mañanami can. Chashna mañacpica, Diosca causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.

SAN JUDAS 1:9

Angelcunata jatun mandac ángel Miguelpish, diablohuan Moisespac huañushca cuerpota quichunacushpa piñanacushpapish, diablotaca mana millaita rimarcachu, ashtahuanpish “Diosllatac llaquichichun” nircami.

APOCALIPSIS 20:14

Chai quipaca, Huañuipish, Hadespish rupacuc nina cuchapimi shitashca carca. Chaica quipa huañuimi.