SAN MATEO 5:11 - Dios Rimashcata Quillcashcami

¹¹ Ñucata caticushcamanta piñashca, pipish llullashpa rimashca, llaquichishca caccuna, ¡cushicuichic!

Nuevo Testamento en Quichua Cañar 1996

¹¹ Ñucata c'aticushcamanta maipipish p'iñashpa, imatapish llullashpa c'amishpa llaquichicpipish, ¡cushicuichic!

SAN MATEO 5:11 Iomraidhean Croise

SALMOS 35:11

Ñuca manapish yachashcata tapungapacmi llullashpa juchanchic runacuna jatarincuna.

SALMOS 44:22

Ashtahuanpish cambac cashcamantami punzhanta huañuchishun nishca causanchic. Huañuchina ovejacunata shinami charincuna.

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

JEREMÍAS 37:14

Ashtahuanpish Jeremiasca: «Mana caldeocunapacman ricunichu. ¡Yangami nicungui!» nirca. Shina nicpipish, Iriasca mana uyashpami, Jeremiastaca mandaccunapacman aparca.

SAN MATEO 10:18

Ñucata caticushcamantami llactata mandaccunapacmanpish, jatun mandaccunapacmanpish apanga. Shina cacpimi, paicunamanpish, mana israelcunamanpish ñucamanta huillanguichic.

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

SAN MATEO 10:25

Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

SAN MATEO 10:39

Maijanpish quiquin causaita llaquicca chingaringami, ashtahuanpish ñucata caticushcamanta quiquin causaita mana llaquicca quishpiringami.

SAN MATEO 19:29

Maijanpish ñucata catingaraicu huasita, huauquicunata, panicunata, taita mamata, huarmita, huahuacunata, allpata saquicca, chaicunamanta patsac yallihuanmi japinga. Huiñai causaitapish japingami.

SAN MATEO 24:9

Chai punzhapica cancunata prezushpa mandaccunapacman apangami. Chashnami huañuchinga. Ñucata caticushcamantaca, tucui llactacunapimi piñanga.

SAN MATEO 27:39

Chaita pasaccunaca umata cuyuchishpa, Jesusta

MARCOS 13:13

Ñucamantami tucuipac piñashca canguichic. Chashna piñacpipish, tucuringacaman llaquita apacca quishpiringami.

MARCOS 13:9

Cancunaca alli cuidaringuichic. Cancunataca mandaccunapacman apangami. Tandanacuna huasicunapipish azotingami. Ñucata caticushcamantami mandaccunapacmanpish, jatun mandaccunapacmanpish apangami. Chashna apacpica, paicunaman ñucamanta huillanguichicmi.

MARCOS 4:17

Shina cashpapish, mana sapiyuc shina cashcamantami, llaquicuna japicpi, mana cashpaca alli huillaita crishcamanta gentecuna piñacpica, crinata saquincunalla.

MARCOS 8:35

Maijanpish quiquin causaita llaquicca chingaringami. Maijanpish alli huillaita cazushcamanta quiquin causaita chingachicca quishpiringami.

SAN LUCAS 21:12

Manarac caicuna tucucpimi, ñucata caticushcamantaca piñashpa prezunga. Cancunata juchanchishpami, tandanacuna huasicunaman apanga. Carcelpipish churangacunami. Llactacunata jatun mandaccunapacmanpish, quiquin llactata mandaccunapacmanpish apangami.

SAN LUCAS 21:17

Ñucata caticushcamantami, tucui gentecunapac piñashca canguichic.

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

SAN LUCAS 9:24

Maijanpish quiquin causaita llaquicca chingaringami. Maijanpish ñucata caticushcamanta causaita chingachicca huiñaita causangami.

SAN JUAN 15:21

Ñucata Cachacta mana ricsincunachu. Chaimantami cancunataca ñucata caticushcamanta llaquichingacuna.

SAN JUAN 9:28

Shina nicpi, paicuna piñarishpaca: —Canmi paita catic cangui. Ñucanchicca Moisesta caticcunami canchic.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

ROMANOS 8:36

Dios quillcachishcapica: «Canmantami ima punzhapish huañunalla canchic. Ovejata huañuchingapac apashca shinami charincuna» ninmi.

1 CORINTIOS 4:10

Ñucanchicca Cristota caticushcamantami imata mana yachac, upacuna tucushcanchic. Cutin cancunaca Cristohuan shuc shinalla tucushpaca yachaccunami tucushcanchic. Ñucanchicca irquiyashcami canchic, Cutin cancunaca sinchimi canguichic. Cancunaca tucuipac alli nishcami canguichic, ñucanchicca mana alli nishcami canchic.

2 CORINTIOS 4:11

Jesús causacushca ñucanchic huañunalla cuerpopi ricurichunmi, paita caticushcamanta cai causaipica huañuchishunmi nishca purinchic.

FILIPENSES 1:29

Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarcami.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.

APOCALIPSIS 2:3

Ñucata caticushcamanta llaquicunata apashpapish, mana piñarishpa, mana shaicushpa caticushcatapish yachanimi.