SAN MATEO 4:7 - Dios Rimashcata Quillcashcami

⁷ Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

Nuevo Testamento en Quichua Cañar 1996

⁷ Chashna nicpimi Jesusca: —Chashnallatac Dios quillcachishcapica: ‘Canta Mandac Taita Diosta ama caita chaita ruhuai nichun’ nicunmi— nirca.

SAN MATEO 4:7 Iomraidhean Croise

SALMOS 106:14

Paicunaca shitashca pambapimi, paicuna munashcata ruhuarcacuna. Dios imata ruhuacta ricungapacmi, caita chaita ruhuachun nircacuna.

SALMOS 78:18

Dios ima shina cacta ricungapacmi paicuna munashca micunata mañarcacuna.

SALMOS 78:41

Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

SALMOS 95:9

Chaipica cancunapac taitacunami ñuca imallata ruhuashcata ricushca jahuapish caita chaita ruhuai nircacuna.

ÉXODO 17:2

Chaimanta israelcunaca Moisesta rimarishpaca: —¡Ñucanchicman yacuta ubiangapac cui!— nirca. Shina nicpimi Moisesca: —¿Ima nishpatac ñucahuanca piñaringuichicyari? ¿Mandac Dios ñucanchic-huan cashcata, mana cashcatachu ricusha ninguichic?— nirca.

ÉXODO 17:7

Chaipi israelcuna piñarishcamantami chai pambataca «Masata» shutichirca. Shinallatac Mandac Diosta rimashpa: «¿Mandac Diosca ñucanchic-huanchu? ¿Manachu ñucanchic-huan?» nishcamantami “Meribata” shutichirca.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

MALAQUÍAS 3:15

Cunanca, jatun tucushpa puriccunaracmi cushilla causacun. Mana allita ruhuashpa causaccunaracmi sumacta causan. Shinallatac Mandac Diosta mana cazuccunapish sumactami causan” nircanguichicmi» ninmi.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

SAN MATEO 21:16

Chaimantami Jesustaca: —Chai huahuacuna ima nicuctaca, ¿manachu uyangui?— nirca. Chashna nicpimi Jesusca: —Ari, uyanimi. Cancunaca, ¿manachu Dios quillcachishcapi ima nicushcataca ricushcanguichic? Chaipica: “Uchilla huahuacunatapish, chuchucuc huahuacunatapish canta alli nichunca rimachishcanguimi” ninmi— nirca.

SAN MATEO 21:42

Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

SAN MATEO 4:4

Chashna nicpimi Jesusca: —Dios quillcachishcapica: “Gentecunaca mana tandallahuanchu causanga, ashtahuanpish Dios rimashcahuanmi causanga” ninmi— nirca.

SAN LUCAS 4:12

Shina nicpimi Jesusca: —Dios quillcachishcapica: “Mandac Diosta, ama pandachisha nichun” ninmi— nirca.

HECHOS 15:10

Cunanca, ¿ima nishpatac ñucanchicpish, ñaupa taitacunapish maita mana pactachi pudishcata, pactachichun nishpa, Diosta piñachicunguichic?

HECHOS 5:9

Shina nicpimi Pedroca: —¿Ima nishpatac Mandac Diospac Espirituman llullanata yuyarircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

1 CORINTIOS 10:9

Paicunapuramanta maijancuna shina, Mandac Diosta mana pandachisha ninachu canchic. Chashna ruhuashpami, paicunaca culebra canishca huañurcacuna.

DEUTERONOMIO 6:16

Masá llactapi Mandac Diosta ruhuashca shina, ruhuashpa ama piñachinguichicchu.

HEBREOS 3:9

Chaipimi cancunapac ñaupa taitacunaca, chuscu chunga huatata ñuca ima ruhuashcata ricushpapish, cutin ricushun nishpa piñachircacuna.