SAN MATEO 4:4 - Dios Rimashcata Quillcashcami

⁴ Chashna nicpimi Jesusca: —Dios quillcachishcapica: “Gentecunaca mana tandallahuanchu causanga, ashtahuanpish Dios rimashcahuanmi causanga” ninmi— nirca.

Nuevo Testamento en Quichua Cañar 1996

⁴ Chashna nicpi Jesusca: —Dios quillcachishcapica: ‘Gentecunaca mana micunallahuanchu causanga, ashtahuanpish Taita Dios rimashca shimicunahuanmi causanga’ ninmi— nirca.

SAN MATEO 4:4 Iomraidhean Croise

ÉXODO 16:15

Israelcuna chaita ricushpa, caishuc chaishuc tapunacushpaca: —¿Imatac caica?— nircacuna. Paicunaca mana yachashcamantami chashna tapunacurca. Chaimantami Moisesca: —Caica, cancuna micuchun, Mandac Dios cushca micunami.

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

ÉXODO 16:8

Moisés ashtahuan rimashpaca: —Cunan chishica aichata, caya tutamantaca tandatami huicsa pactata micuchun cunga. Mandac Diosca cancuna huashalla rimashcata uyashcami. Chashnaca mana ñucanchictachu rimashcanguichic, ashtahuanpish Mandac Diostami rimashcanguichic. Ñucanchicca, ¿pitac canchicyari?— nirca.

ÉXODO 23:15

Levadura illac tandata micuna fiestata ruhuangui. Ñuca mandashca shina Abib quillapica levadura illac tandataca canchis punzhacunata micungui. Chai quillapimi Egiptomanta llucshircangui. Pipish ñucapac ñaupamanca mana chushac maquilla shamungachu.

SAN MATEO 15:11

Imapish shimita yaicucca mana juchayucta ruhuanchu, ashtahuanpish shungumanta llucshishca, mana alli rimaicunami, runataca juchayucta ruhuan— nirca.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

SAN MATEO 4:7

Chashna nicpimi Jesusca: —Dios quillcachishcapica: “Canta Mandac Diosta ama pandachisha nichun” ninmi— nirca.

MARCOS 7:20

Jesús cutin rimashpaca: «Shungu ucumanta llucshicmi juchayucta ruhuan.

SAN LUCAS 4:12

Shina nicpimi Jesusca: —Dios quillcachishcapica: “Mandac Diosta, ama pandachisha nichun” ninmi— nirca.

SAN LUCAS 4:4

Chashna nicpimi Jesusca: —Dios quillcachishcapica: “Runaca mana tandallahuanchu causanga” ninmi— nirca.

SAN LUCAS 4:8

Chashna nicpimi Jesusca: —Dios quillcachishcapica: “Canta Mandac Diosllata adorangui, paillata servingui” ninmi— nirca.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñucataca ricsichinga. Paica cashcata nicmi.

SAN JUAN 6:63

Diospac Espiritumi causaita cun. Gentecunallaca imata ruhuai pudinchu. Tucui ñuca nishcacunaca, causaita cuc Diospac Espiritumantami.

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

DEUTERONOMIO 8:3

Paica chai pambapica yarcaihuanmi llaquichirca. Chaipimi cancunapish, cancunapac taitacunapish jaicapi mana ricsishca maná shuti micunata cararca. Chaitaca runacunaca mana micunallahuan, ashtahuanpish Mandac Diospac rimashca shimicunahuan causana cashcata ricuchingapacmi ruhuarca.