SAN MATEO 4:23 - Dios Rimashcata Quillcashcami

²³ Jesusca tucui Galilea llacta israelcuna tandanacuna huasipimi yachachishpa puricurca. Dios mandanamanta alli huillaita huillashpami, tucuilaya ungüihuan, nanaihuan cac gentecunatapish alliyachishpa puricurca.

Nuevo Testamento en Quichua Cañar 1996

²³ Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

SAN MATEO 4:23 Iomraidhean Croise

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

SALMOS 74:8

Paicunapac shungupica: «¡Tucuita tucuchishun!» nircacunami. Diosta yuyarishpa tandanacuna huasicunataca tucui llactapimi rupachircacuna.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

SAN MATEO 12:9

Jesús chaimanta rishpaca, israelcuna tandanacuna huasimanmi yaicurca.

SAN MATEO 13:19

Ñanpi urmashca muyu shinaca, Dios mandacucmanta huillashcata, uyashpapish mana entendicmi. Dios rimashcata paipac shungupi chasquishcataca, diablo shamushpami chingachinlla.

SAN MATEO 13:54

Chashnami Nazaret puebloman chayashpa, tandanacuna huasipi yachachi callarirca. Chaita paicuna uyashpaca: —¿Maipitac cai tucuitaca yachacurca? ¿Ima shinatac paica milagrocunatapish ruhuanyari?

SAN MATEO 14:14

Jesús canoamanta uricushpa, achca gentecunata ricushpaca, llaquirishpami maijan ungushcacunata alliyachirca.

SAN MATEO 24:14

Dios mandacucmanta alli huillaica tucui llactacunapimi huillashca canga. Chai quipami cai pachaca tucuringa.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

SAN MATEO 9:35

Jesusca tucui pueblocunatapish, llactacunatapish purishpami, israelcuna tandanacuna huasicunapi yachachirca. Dios mandacucmanta alli huillaita huillashpami, tucuilaya ungushcacunatapish alliyachishpa, nanaicunatapish anchuchishpa puricurca.

MARCOS 1:14

Bautizac Juan carcelpi cacpimi, Jesusca Galilea llactaman rirca. Chaipi Dios mandacucmanta alli huillaita,

MARCOS 1:21

Chaimantaca Capernaúm puebloman chayashpami, samana punzhapi Jesusca israelcuna tandanacuna huasipi yachachi callarirca.

MARCOS 1:39

Jesusca tucui Galilea llacta israelcuna tandanacuna huasicunapimi huillarca. Runacunamantapish supaicunata llucchishpa cacharcami.

MARCOS 3:10

Jesusca achca ungushcacunatami alliyachirca. Chaimantami ungushpa llaquilla causaccuna Jesuspi tuparingapac ñitirimurca.

MARCOS 6:2

Jesusca samana punzha chayamucpimi, israelcuna tandanacuna huasipi yachachi callarirca. Pai yachachishcata uyaccuna mancharishpa, caishuc chaishuc tapunacushpaca: —¿Maipitac cai runaca caita yachacurcayari? ¿Ima shinatac caita yachacurca? ¿Pitac milagrocunata ruhuanata yachachirca?

MARCOS 6:6

Jesusca chai gentecuna mana crishcamantami yallita llaquirishpa, chai muyundi llactacunapi yachachishpa puricurca.

SAN LUCAS 10:9

Chai pueblopi ungushcacuna tiyacpica alliyachinguichic. Paicunataca: “Diosca ñami mandagrin” ninguichic.

SAN LUCAS 13:10

Jesusca samana punzhapimi israelcuna tandanacuna huasipi yachachicurca.

SAN LUCAS 16:16

Moisés mandashcacunapish, Dios ima nishcata huillaccuna huillashcapish, Bautizac Juan causai punzhacamanllami carca. Chaimanta pachami, Dios mandacucmanta alli huillaica callarirca. Chaimanta tucuimi Dios mandacucman ima shinapish yaicunata munancuna.

SAN LUCAS 20:1

Shuc punzha Jesús Diosta mañana huasipi alli huillaimanta yachachicucpimi, Israel curacunata mandac curacunapish, mandashcacunata yachachiccunapish, cunac yuyaccunapish chayarca.

SAN LUCAS 4:14

Jesusca Diospac Espiritupac poderhuanmi Galilea llactaman cutirca. Paimantaca tucui llactacunapimi parlanacurca.

SAN LUCAS 5:17

Shuc punzha Jesús yachachicucpimi, fariseocunapish, mandashcacunata yachachiccunapish chaipi tiyacurca. Paicunaca Galilea llactamantapish, Judea llactamantapish, Jerusalén pueblomantapishmi shamurca. Jesusca Diospac poderhuan cashcamantami ungushcacunata alliyachirca.

SAN LUCAS 6:17

Jesús paicunahuan urcumanta shamushpaca, shuc pambamanmi chayarca. Chai pambamanmi paipac yachacuccunapish, Judea llactamantapish, Jerusalén pueblomantapish, mama cucha lado Tiro llactamantapish, Sidón llactamantapish achca gentecuna Jesús yachachishcata uyangapac, ungüicunamanta alliyangapacpish shamushca carca.

SAN LUCAS 6:6

Shinallatac shuctac samana punzhapipish Jesusca israelcuna tandanacuna huasiman yaicushpami yachachicurca. Chaipimi alli lado maqui chaquishca shuc runa tiyacurca.

SAN LUCAS 7:21

Chai ratollacmi Jesusca tauca ungushcacunatapish, supai japishcacunatapish, ñahui mana ricuccunatapish alliyachirca.

SAN LUCAS 7:22

Jesús paicunata alliyachishpaca: —Juanpacman rishpa, cancuna imata ricushcatapish, uyashcatapish huillanguichic. Ñahui mana ricuccuna ricucushcatapish, suchucuna puricushcatapish, lepra ungüihuan caccuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillanguichic.

SAN LUCAS 8:1

Chai quipami Jesusca paipac chunga ishcai yachacuccunahuan pueblocunapipish, uchilla llactacunapipish Dios mandacucmanta alli huillaita huillashpa puricurca.

SAN LUCAS 9:11

Chaita gentecuna yachashpami, catishpa rirca. Chaipimi Jesusca cushilla chasquishpa, Dios mandacucmanta huillashpa, ungushcacunatapish alliyachirca.

SAN LUCAS 9:60

Chashna nicpimi Jesusca: —Huañushcacuna huañushcacunata enterrachun saqui. Canca, Dios mandacucmanta alli huillaita huillangapac shamui— nirca.

SAN JUAN 18:20

Chashna tapucpimi Jesusca: —Ñucaca tandanacuna huasicunapipish, Diosta mañana huasipipish tucuipac ñaupapimi yachachircani. Mana pacalla yachachishcanichu.

SAN JUAN 6:59

Jesusca caicunatami Capernaúm pueblo, israelcuna tandanacuna huasipica yachachirca.

SAN JUAN 7:1

Chai quipaca, Jesusca Galilea llactapimi puricurca. Mandac israelcuna huañuchishun nishcamantami, Judea llactapi canataca mana munarca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 18:4

Pabloca samana punzhacunapica tandanacuna huasiman rishpami, israelcunapish, mana israelcunapish crichun, yachachic carca.

HECHOS 20:25

Taucacunamanmi Dios mandacucmanta huillashpa pasarcani. Chai uyaccunamantaca ñuca ñahuita mana ashtahuan ricunguichicchu. Chaica chashnatacmi canga.

HECHOS 28:31

Dios mandacucmanta huillashpa, Apunchic Jesucristomantapish yachachic carca. Pi mana jarcashcami, pai tucui huillasha nishcata huillac carca.

ROMANOS 10:15

¿Ima shinatac mana pi cachacpica huillangacuna? Dios quillcachishcapica: «Alli huillaita huillashpa purinaca, ¡mai sumacmi!» ninmi.