SAN MATEO 26:8 - Dios Rimashcata Quillcashcami

⁸ Chaita yachacuccuna ricushpaca, yallita piñarishpaca: —¿Ima nishpatac caitaca yangamanta tallinyari?

Nuevo Testamento en Quichua Cañar 1996

⁸ Chashna ruhuacta yachacuccuna ricushpaca, p'iñarishpami: —¿Ima nishpatac cai mishquilla ashnacuctaca, yangamanta t'allinyari?

SAN MATEO 26:8 Iomraidhean Croise

ÉXODO 5:17

Shina nicpimi Faraonca: —¡Cancunaca quilla gentecunami canguichic! Chashna cashpami: “Animalta rupachishpa, Mandac Diosman cugrishun” ninguichic.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

AMÓS 8:5

Cancunaca: «Trigota catungapac, ¿ima horastac quillaca tucuringayari? Shinallatac grano huacaichina ucumanta granota llucchishpa catungapac, ¿ima horastac samana punzha tucuringayari? Catuna punzhacuna chayamucpica, balanzatapish, medinacunatapish huacllichishpa catushpami achca cullquita japishun.

MALAQUÍAS 1:13

Shinallatac cancunaca: “¡Caita ruhuanataca shaicunchicmi!” nishpami, ñucata yangapi churarcanguichic. Shinallatac lisiado, suchu, ungushca animalcunata ñucaman cungapac apamushpami yallita piñachircanguichic. ¿Chaitaca cancunapac maquimantaca chasquishachu?

SAN MATEO 20:24

Chaita caishuc chunga yachacuccuna uyashpaca, chai huauquicunahuanca piñarircami.

SAN MATEO 26:7

Jesús mizapi tiyacucpimi, shuc huarmica achca valishca mishquilla ashnacucta yurac rumi botellapi apamurca. Chaitami Jesuspac umapi tallirca.

SAN MATEO 26:9

Chaita achca cullquipi catushpa huacchacunaman cunachari, alli canman carca— ninacurca.

MARCOS 14:4

Chaimantami maijanca shungupi piñarishpa: —¿Ima nishpatac chai mishquilla ashnacuctaca yanga tallinyari?