SAN MATEO 26:40 - Dios Rimashcata Quillcashcami

⁴⁰ Jesús chashna mañashpa, yachacuccunapacman cutimushpaca, paicuna sueñucuctami ricurca. Chaimantami Pedrotaca: —¿Manachu ashallatapish ñuca shinallatac riccharishca cai pudircanguichic?

Nuevo Testamento en Quichua Cañar 1996

⁴⁰ Jesús chashna mañashca q'uipa, yachacuccunapacman cutimushpaca, paicuna suiñucucpimi tuparirca. Chaimantami Pedrotaca: —¿Manachu ashallatapish ñuca shinallatac riccharishca cai pudircanguichic?

SAN MATEO 26:40 Iomraidhean Croise

1 REYES 20:11

Shina nicpimi, Israel llactata jatun mandacca: «Manarac macanacuiman llucshishpa, ña macanacuita atishca shinaca ama jatun tucushca caichu nigrichic» nirca.

CANTARES 5:2

Ñuca sueñucucpipish ñuca shunguca riccharacunmi. Ñuca cuyashca pungupi huactashpaca: «Ñuca panilla, ñuca cuyashcalla, ñuca urpilla, punguta pascaiyari. Ñuca umataca garuami jucuchicun. Ñuca acchamantaca yacumi shutucun» nishpami cayacushca carca.

SAN MATEO 25:5

Novio mana utca shamucpica, tucui paicunami sueñurca.

SAN MATEO 26:35

Chashna nicpimi Pedroca: —Canhuan pacta huañuna cacpipish, mana negashachu— nirca. Chashnallatacmi tucui yachacuccunaca nirca.

SAN MATEO 26:38

Chashna cashpami Jesusca: —Ñuca shungupica, huañuna nanaihuan shinami yallita llaquiricuni. Cancunaca mana sueñushpa, caipi ñuca shinallatac chaparacuichic— nirca.

SAN MATEO 26:41

Mana pandachishca cangapacca, Diosta mañashpa chaparacuichic. Cancunapac yuyaica sinchimi, ashtahuanpish cancunapac cuerpomi shaicushca— nirca.

SAN MATEO 26:43

Jesús cutimushpaca, yachacuccuna cutinllatac sueñucuctami ricurca. Paicunapac ñahuicunaca sueñuihuan cashpami, mana pascarisha nirca.

MARCOS 14:37

Jesús mañashpa cutimushpaca, paicuna sueñucucpimi tuparirca. Chaimantami Pedrotaca: —Simón, ¿sueñucunguillachu? ¿Manachu shuc horasllatapish riccharishca cai pudircangui?

SAN LUCAS 22:45

Diosta mañashpa jatarishpaca yachacuccunapacmanmi cutirca. Yachacuccuna llaquihuan cashcamanta sueñucucpimi tuparirca.

SAN LUCAS 9:32

Pedropish, paihuan caccunapish yalli sueñunayaihuanmi carca. Shina cashpapish, Jesús chashna sumaimana achiclla tucuctapish, paihuan parlanacucuc ishcai runacunatapish ricucurcami.

JUECES 9:33

Tutamanta inti ña llucshicucpica, macanacungapac puebloman llucshingui. Gaal paipac soldadocunahuan llucshishpa canhuan macanacugricpica, can munashcata imatapish ruhuai» nichunmi cacharca.