SAN MATEO 26:15 - Dios Rimashcata Quillcashcami

¹⁵ «Jesusta cancunaman cucpica, ¿imatatac ninguichic?» nirca. Chashna nicpimi, chai curacunaca quimsa chunga cullquita curca.

Nuevo Testamento en Quichua Cañar 1996

¹⁵ —Jesusta ñuca japichingapacca, ¿mashna cullquitatac cushun ninguichic?— nirca. Pai chashna nicpi, chai curacunaca quimsa chunga cullquita cushun nircacuna.

SAN MATEO 26:15 Iomraidhean Croise

GÉNESIS 38:16

Chaimantami Judaca chai huarmipacman cuchuyangapac ñanmanta anchurirca. Shina anchurishpami, mana paipac nuera cashcata yachashpa: —Canpi chayarichun saquiyari— nirca. Shina nicpimi, chai huarmica: —Can chayarishpaca, ¿imatatac cugringuiyari?— nirca.

ÉXODO 21:32

Shuc servic carita, mana cashpaca servic huarmita huagra sacmacpica, quimsa chunga siclos cullquitami servicpac amoman cuna can. Cutin huagrataca rumihuan shitashpami huañuchina.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

LEVÍTICO 27:4

Huarmimantaca quimsa chunga cullquitami pagana can.

SAN MATEO 10:4

Celote nishca Simón, Judas Iscariotemi carca. Paimi quipataca Jesustaca japichirca.

SAN MATEO 26:16

Chaimanta pachami Judasca, ima shina Jesusta japichinata yuyaricurca.

HECHOS 1:18

Judasca millaita ruhuashcamanta japishca cullquihuanca allpatami randirca. Chai allpallapitacmi jahuamanta urai singa urmashpa, huicsa tucyashpa, chunzhulli tallirishpa huañurca.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

JUECES 16:5

Chai huarmipacman filisteocunata pushaccuna rishpaca: —Sansontaca ima shinapish inquitashpa, ima shina yalli fuerzata charishcata, ima shina paita mishanata tapui. Chaita yachashpami, paitaca alli huatashpa mandashpa charichun. Canmanca ñucanchicca cada shucmi huaranga shuc patsac cullquita cushun— nircacuna.

JUECES 17:10

Shina nicpimi Micaiasca: —Ñucahuan causangapac saquiri. Caipi saquirishpaca ñuca taita shinapish, cura shinapish tucunguimi. Ñucaca huatapi chunga siclos cullquitapish, micunatapish, churanatapish cushami— nirca. Shina nicpimi, chai levitaca chaipi causangapac saquirirca.