SAN MATEO 26:10 - Dios Rimashcata Quillcashcami

¹⁰ Jesús chaita uyashpaca: —¿Ima nishpatac cai huarmitaca rimaricunguichic? Saquichic. Paica ñucamanca allitami ruhuashca.

Nuevo Testamento en Quichua Cañar 1996

¹⁰ Jesús chaita uyashpaca: —¿Ima nishpatac cai huarmitaca rimaricunguichic? Saquichic. Pai chashna ruhuashpaca, allitami ñucamanca ruhuashca.

SAN MATEO 26:10 Iomraidhean Croise

NEHEMÍAS 2:18

Dios paipac maquihuan ñucata ayudacushcatapish, jatun mandac ñucata imata nishcatapish ñuca huillacpimi paicunaca: —¡Shinaca, allichi callaringapac jatarishunchic!— nircacuna. Shinami caishuc chaishuc ashtahuan sinchiyashpa allichi callarircacuna.

JOB 13:7

Millaita rimashpaca, ¿Diosmantachu rimacunguichic? Llullashpaca, ¿paimantachu parlanguichic?

SAN MATEO 26:11

Huacchacunaca punzhantami cancunahuan, ashtahuanpish ñucaca mana cancunahuanca causacushallachu.

SAN MATEO 26:9

Chaita achca cullquipi catushpa huacchacunaman cunachari, alli canman carca— ninacurca.

MARCOS 14:6

Chaimantami Jesusca: —¿Ima nishpatac cai huarmitaca llaquichicunguichic? Saquichic, paica ñucamanca allitami ruhuashca.

SAN LUCAS 8:49

Jesús chashna nicucllapitacmi, mandac Jairopac huasimanta shuc runa shamushpaca: —Cambac ushica ñami huañun. ¿Imapactac Yachachictaca piñachicungui? Saquilla— nirca.

2 CORINTIOS 9:8

Diosca imatapish ruhuaclla cashpami, cancunapac imalla illashcata punzhanta charichunca, tucuilaya allicunata cunga. Chashna charishpaca, tucuilaya alli ruhuaicunata ruhuangapacmi, yalli yalli charinguichic.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicumi, maijancunaca Cristomanta alli huillaitaca shuctaclayaman yachachishun nincuna.

GÁLATAS 5:12

“Circuncisionta ruhuanaca allimi” nishpa pandachishpa puriccunataca, ¡paicunapactarac tucui pitishpachari alli canman ninimi!

GÁLATAS 6:17

Ñuca Apunchic Jesusta caticushcamanta chugririshpa alli tucushca señalmi, paipacta ruhuac cashcataca ricuchin. Caimanta ñaupamanca pi ama ñucataca piñachun.

EFESIOS 2:10

Diosmi ñucanchictaca ruhuarca. Chashna ruhuashpaca, Jesucristohuan shuc tucushcamanta allicunata ruhuachunmi mushucta ruhuarca. Chai allicunata ruhuachunmi, ñucanchictaca ñaupamanta pacha allichishca.

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.

1 TIMOTEO 3:1

Maijanpish tandanacushca criccunata pushac casha nishpaca, alli ruhuanatami yuyan. Cai rimashcaca chashnatacmi can.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

TITO 3:1

Criccunataca llactata mandaccunatapish, pueblota mandaccunatapish cazuchun, imata ruhuachun mandacpipish cushilla ruhuachuncuna,

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

TITO 3:8

Cai rimashcacunaca chashnatacmi can. Diosta criccuna allicunallata ruhuashpa causachunca, allitami yachachina cangui. Cai alli ruhuaicunaca tucuipacmi alli can.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.