SAN MATEO 24:21 - Dios Rimashcata Quillcashcami

²¹ Chai punzhacunaca achca llaquimi canga. Cai pacha callari punzhamanta, cunancamanmi, chashna llaquica mana tiyashca. Quipapish mana tiyangachu.

Nuevo Testamento en Quichua Cañar 1996

²¹ Chai punzhacunapica achca llaquicunami tiyanga. Taita Dios cai pachata ruhuashca punzhamanta pacha cunancamanmi, chashna llaquica manarac tiyashcachu, cutinpish manatac tiyangachu.

SAN MATEO 24:21 Iomraidhean Croise

EZEQUIEL 5:9

Cancuna millaita ruhuashcamantaca yallitami llaquichisha. Chashnaca jaicapi mana llaquichishcanichu. Shinallatac mana llaquichishachu.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.

JOEL 1:2

Pushac yuyaccunapish, tucui cai llactapi causaccunapish, caita alli uyaichic. ¿Cancuna causacui punzhacunapi, mana cashpaca cancunapac ñaupa taitacuna causacui punzhacunapi cashna llaquicuna tucushcachu?

JOEL 2:2

¡Chai punzhaca pura tutami tucunga! ¡Puyushca llandu punzhami canga! ¡Tutamanta achicyachic luz shinami, sinchi runacunaca lomacunata shamunga! ¡Chashnaca ñaupa huatacunapish mana ricurishcachu! ¡Quipamanpish, huahua huahuacunacaman chai shinaca mana tiyangachu!

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

SAN MATEO 24:20

Cancuna miticuna punzha ama tamya cachun, ama samana punzha cachun, Diosta mañaichic.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

MARCOS 13:9

Cancunaca alli cuidaringuichic. Cancunataca mandaccunapacman apangami. Tandanacuna huasicunapipish azotingami. Ñucata caticushcamantami mandaccunapacmanpish, jatun mandaccunapacmanpish apangami. Chashna apacpica, paicunaman ñucamanta huillanguichicmi.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

1 TESALONICENSES 2:16

Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.

APOCALIPSIS 16:18

Chashna nicpica urcu tulun nishcapish, rimashcacunapish uyarircami. Relampa achic nishcapish ricurircami. Shinallatac gentecuna cai pachapi tiyashca punzhamanta pacha jaicapi mana chucchushcatami, allpaca chucchurca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.