SAN MATEO 23:39 - Dios Rimashcata Quillcashcami

³⁹ Ñucaca: Cunanmanta pacha Dios cachashca ñuca cutimucpi “¡allimari cangui!” ningacaman, ñucataca manatac ricunguichu ninimi» nirca.

Nuevo Testamento en Quichua Cañar 1996

³⁹ Cancunamanca ninimi: Cunanmanta pacha Taita Dios cachashca ñuca cutimucpi ‘allimari cangui’ ningacaman, ñucataca manatac ricunguichicchu— nirca.

SAN MATEO 23:39 Iomraidhean Croise

SALMOS 118:26

¡Mandac Diospac shutipi shamucca alli nishca cachun! Mandac Diospac huasimantami cancunata alli ninchic.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN LUCAS 17:22

Jesusca paipac yachacuccunataca: —Runa Tucungapac shamushca ñuca mandacucta ashallapish ricunata munana punzha chayamungami. Chashna munashpapish, mana ricungachu.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 14:9

Shina nicpimi Jesusca: —Ña unaitami cancunahuan cani. Felipe, ¿chashna cashca jahuachu ñucata mana ricsingui? Maijanpish ñucata ricucca ñuca Taitatapish ricunmi. ¿Ima nishpatac canca: “Taitata ricuchi” ningui?

SAN JUAN 8:21

Cutinllatac Jesusca: —Ñucaca rigrinimi. Cancunaca mashcanguichicmi. Ñuca ricushcamanca mana ri pudinguichicchu Cancunapac juchallapitacmi huañunguichic— nirca.

SAN JUAN 8:24

Chaimantami “cancunapac juchallapitacmi huañunguichic” nircani. Ñucata cancuna mana crishpaca, cancunapac juchallapitacmi huañunguichic— nirca.

SAN JUAN 8:56

Taita Abrahamca ñuca cai pachaman shamuna punzhata ricushpami cushicurcami. Ña ricushpaca, ashtahuanmi cushicurca— nirca.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.