SAN MATEO 23:27 - Dios Rimashcata Quillcashcami

²⁷ ¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca huañushcata enterrashca jutcu shinami, jahuataca sumaimana allichishca, ucutaca huañushca tullucuna, mapacuna junda canguichic.

Nuevo Testamento en Quichua Cañar 1996

²⁷ Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca huañushcacunata enterrashca jutcu shinami, jahuallataca sumaimana allichishca, ucutaca huañushca tullucuna imapish mana allicuna, ashnacuc shina canguichic.

SAN MATEO 23:27 Iomraidhean Croise

PROVERBIOS 26:23

Mana alli shunguhuan crinallata llullashpa parlashcaca cullquita yacuyachishpa mapata llucchishpa, barro mangapi saquishca shinami.

NÚMEROS 19:16

Espadahuan huañuchishca mai pambapi siricucpi, mana cashpaca ungüihuan huañushcapi, mana cashpaca huañushcapac tullupi, mana cashpaca huañushcata enterrashcapi tuparishpaca, canchis punzhacamanmi mapa canga.

SAN MATEO 23:28

Gentecunapac ricuipica cashcata ruhuaccuna shinami canguichic, ashtahuanpish ucu shungupica llullana yuyai, mapa yuyaicuna jundami canguichic.

SAN LUCAS 11:44

¡Aij, mandashcacunata yachachiccunalla, fariseocunalla, cancunaca mishqui shimi, jayac shungucunami canguichic! Cancunaca huañushcacunata enterrashca jutcu shinami canguichic. Chai enterrashca jahuata puriccunaca, ucupi ima tiyashcataca mana yachanchu— nirca.

HECHOS 23:3

Shina nicpimi Pabloca: —¡Mishqui shimi, jayac shungu, cantaca Diosmi llaquichinga! Canca Moisés mandashcacunapi nishca shina, allita ruhuangapacmi cangui. ¿Chashna cashpachu mandashcata mana pactachishpa, ñucata huactachun ningui?— nirca.

GÁLATAS 6:12

Chai “circuncisionta ruhuanaca allimi” niccunaca gentecunapac alli nishca cangapac, shinallatac Cristo cruzpi huañushcata crishcamanta ama pi piñachun nishpallami chashnaca nincuna.