SAN MATEO 23:18 - Dios Rimashcata Quillcashcami

¹⁸ Shinallatac cancunaca: “Diosta mañana huasipi tiyac altarmanta ari nishpaca, mana imachu, ashtahuanpish altarpi tiyacuc ofrendamanta ari nishpaca pactachinatacmi” nishpami yachachinguichic.

Nuevo Testamento en Quichua Cañar 1996

¹⁸ Shinallatac cancunaca: “ ‘Diosman mañana huasipi cac altarmantami nini’ nishpaca, ari nishpa mana pactachishpapish mana imachu” ninguichicmi. Shina cashpapish, “ ‘altarpi tiyacuc Diosman cushcamantami nini’ nishpami, imatapish pactachinami can” nishpa yachachinguichic.

SAN MATEO 23:18 Iomraidhean Croise

2 CRÓNICAS 6:22

Maijan cashpapish, paipac ricsishcahuan juchallicpi, cambac cai huasi ucupi tiyac altar ñaupapi huillachun pushamucpica,

NÚMEROS 30:2

“Maijanpish Mandac Dios ñucapacta ruhuasha nishpa, mana cashpaca quiquin shimihuan ari nishpaca pactachinatacmi can. Pai imata ruhuangapac nishca shinallatacmi ruhuana can.

SAN MATEO 23:16

¡Ñahui mana ricuc pushaccunalla, imachari tucunguichic! Cancunaca: “Diosta mañana huasimanta ari nishpapish mana imachu, ashtahuanpish Diosta mañana huasipi tiyac curimanta ari nishpaca, pactachinatacmi” nishpami yachachinguichic.

SAN MATEO 23:17

¡Ñahui mana ricuc, yuyai illaccunalla! ¿Maijantac ashtahuan alli? ¿Curi, mana cashpaca curita Diospacllata ruhuac paipac huasi?

SAN MATEO 23:19

¡Ñahui mana ricuc, yuyai illaccunalla! ¿Maijantac ashtahuan alli? ¿Ofrenda, mana cashpaca ofrendata Diospacllata ruhuac altar?

MARCOS 7:11

Ashtahuanpish cancunaca: “Taita mama imata mañacpica, ‘ñuca charishcacunaca Diosman cushca ofrendami. Chaimanta mana ayudai pudinichu’ ninallami” nishpami yachachinguichic.

GÁLATAS 5:3

Chaimantami cutinllatac nini: Maijanpish circuncisionta ruhuaccunaca mandashcacunatami tucui pactachina can.