SAN MATEO 22:5 - Dios Rimashcata Quillcashcami

⁵ Chashna cayacpipish, mana uyashpami maijancunaca trabajangapac, maijancunaca catungapac rircacuna.

Nuevo Testamento en Quichua Cañar 1996

⁵ Chashna cutin c'ayacpipish, mana uyashpami maijancunaca chagraman rircacuna. Shinallatac maijancunaca c'atunamanmi rircacuna.

SAN MATEO 22:5 Iomraidhean Croise

GÉNESIS 19:14

Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

GÉNESIS 25:34

Shina catucpimi, Jacoboca Esaumanca tandatapish, huirahuan camchashca lentejatapish curca. Shina cucpimi, Esauca micushpa, ubiashpa, jatarishpa rircalla. Chashnami punta churi japina cashcata yangalla cashcata yuyashpa saquircalla.

PROVERBIOS 1:7

Alli yachac cangapac callaricca Mandac Diosta manchanami can. Ashtahuanpish mana entendiccunaca alli yachaitapish, yachachishcatapish piñancunami.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

SAN MATEO 22:4

Mana shamusha nicpi, cutinllatac shuctac serviccunata cachashpaca: “Jatun huagracunatapish, shuctac huira animalcunatapish huañuchishpami, jatun micuita ruhuashcani. Ñami tucui allichishca. Bodaman shamuichic nicunmi nigrichic” nishpa cacharca.

SAN MATEO 22:6

Maijancunacarin jatun mandac cachashca serviccunata macashpami huañuchirca.

SAN JUAN 2:16

Shinallatac palomata catuccunataca: —¡Caicunata caimanta llucchichic! ¡Ñuca Taitapac huasitaca ama randina, catuna huasita ruhuaichicchu!— nirca.

HECHOS 2:13

Ashtahuanpish maijancunaca: —Caicunaca machashcacunami— nishpami asircacuna.

HECHOS 24:25

Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca: —Cunanca rilla. Cutin uyasha nishpaca, cayachishallami— nirca.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

ROMANOS 8:6

Jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca causaccunaca, cushi causaitami charinga.

2 TIMOTEO 3:4

mana confiarinacuna, mana pingaccuna, allimi canchic niccuna, Diosta cazunapac randica millaita ruhuashpa cushicuccuna,

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.