SAN MATEO 22:17 - Dios Rimashcata Quillcashcami

¹⁷ Canca, ¿imatatac ningui? ¿Roma llactata jatun mandac Cesarman impuestota paganachu canga? Mana cashpaca, ¿manachu pagana canga?— nishpa tapurca.

Nuevo Testamento en Quichua Cañar 1996

¹⁷ Chaimantami cashna tapuc shamunchic: Roma*f** llactata jatun mandac Cesarman*f** impuestotaca paganaca, ¿mandashcapi nishca shinaca alli canga? Mana cashpaca, ¿manachu alli canga?— nishpa tapurcacuna.

SAN MATEO 22:17 Iomraidhean Croise

ESDRAS 4:13

Shinallatac can jatun mandacmanca caitapish huillanchicmi: Cai pueblota cutin allichishpa, muyundi pircacunatapish cutin shayachishpaca, tributotapish, impuestotapish, ima shucta cuna cashcatapish mana ashtahuan cungacunachu. Shina mana cucpica, jatun mandacpac huasipica cullquica illai callaringami.

ESDRAS 7:24

Caitapish yachanami canguichic: Curacunata, levitacunata, mandaccunata, cantaccunata, pungupi cuidaccunata, Diospac huasipi serviccunata, chaipi imata ruhuaccunataca tributota, impuestota, imamanta cunacunatapish, ama mañanguichicchu.

NEHEMÍAS 5:4

Cutin maijancunaca: «Ñucanchicca jatun mandacman impuestota pagangapacmi allpacunata, uvas chagracunata prendapi churashpa cullquita mañarcanchic.

NEHEMÍAS 9:37

Ñucanchic llactacunapi, yallita pucushca granocunapish, ñucanchic juchamantami, jatun mandaccunapac tucushca. Jatun mandaccuna cashcamantaca, ñucanchictapish, ñucanchic animalcunatapish, paicuna munashcata ruhuashpami charicun. Chaimantami ñucanchicca yalli llaquihuan causacunchic» nircacuna.

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

SAN MATEO 17:25

Shina nicpimi Pedroca: —Ari, paganllami— nirca. Pedro huasiman chayacpi, Jesús tapushpaca: —¿Simón imatatac yuyangui? Cai pacha jatun mandaccunaca, ¿paicunapac llactacunamantachu, mana cashpaca, shuctac llactacunamantachu impuestotaca chasquincuna?— nirca.

SAN MATEO 22:18

Jesusca, paicuna mana alli yuyaihuan tapuc shamushcata yachashpami paicunataca: —Mishqui shimi jayac shungu, ¿ima nishpatac ñucataca pandachishun nicunguichic?

SAN LUCAS 2:1

Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

SAN LUCAS 20:22

¿Jatun mandac Cesarmanca impuestota paganachu, mana cashpaca mana?— nishpa tapurca.

SAN LUCAS 3:1

Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

HECHOS 17:7

Cai Jasonpish paipac huasipimi chai runacunata chasquic cashca. Tucui paicunami jatun mandac César mandashcataca mana cazushpa: “Ñucanchicta jatun mandacca Jesusmi” nincuna» nishpami caparirca.

HECHOS 25:8

Chaimanta Pablo rimashpaca: —Moisés mandashcacunatapish, Diosta mañana huasitapish, Roma llactata jatun mandac Cesartapish yangapi churashpa, mana llaquichishcanichu— nirca.

HECHOS 28:22

Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

HECHOS 5:37

Shinallatac shuticunata quillcachina punzhacunapipish, Galilea llactamanta Judasmi yachachi callarirca. Paitapish taucacunami catircacuna. Shina cacpipish, paita huañuchicpica, tucuimi caita chaita rishpa chingarirca.