SAN MATEO 21:42 - Dios Rimashcata Quillcashcami

⁴² Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.

Nuevo Testamento en Quichua Cañar 1996

⁴² Shina nicpi Jesusca: —¿Manachu cancunaca Dios quillcachishcataca ricushcanguichic? Chaipica: ‘Huasita ruhuaccuna mana nishca, shitashca rumillatacmi, huasita ruhuangapac callaripi churana, tucuimanta yalli alli rumica tucushca. Chaitaca Mandac Diosmi chashnaca ruhuashca. Chaita ricushpami, yallita cushicunchic’ nicunmi.

SAN MATEO 21:42 Iomraidhean Croise

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

HABACUC 1:5

Mandac Diosca: «Shuctac llactacunata ricushpa manchaichic. Ñucaca cancuna causacui punzhacunapimi chai shina mancharinacunata ruhuasha. Chai ruhuashcata maijan huillacpipish, mana cringuichicchu.

SAN MATEO 21:43

Chaimantami cancunamanta Dios mandanata quichushpa, pai munashcata ruhuaccunaman cushca canga.

HECHOS 4:11

Huasita ruhuaccuna mana nishca rumimi huasita ruhuangapac callaripi churana, tucuimanta yalli alli rumica tucushca.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.