SAN MATEO 21:16 - Dios Rimashcata Quillcashcami

¹⁶ Chaimantami Jesustaca: —Chai huahuacuna ima nicuctaca, ¿manachu uyangui?— nirca. Chashna nicpimi Jesusca: —Ari, uyanimi. Cancunaca, ¿manachu Dios quillcachishcapi ima nicushcataca ricushcanguichic? Chaipica: “Uchilla huahuacunatapish, chuchucuc huahuacunatapish canta alli nichunca rimachishcanguimi” ninmi— nirca.

Nuevo Testamento en Quichua Cañar 1996

¹⁶ Chashna p'iñarishpami Jesustaca: —Chai huahuacuna ima nicuctaca, ¿manachu uyangui?— nicpi Jesusca: —Ari, uyanimi. ¿Cancunaca manachu Dios quillcachishcapi ima nicushcataca ricushcanguichic? Chaipica: ‘Uchilla huahuacunatapish, chuchucuc huahuacunatapish canta alli nichunca rimachishcanguimi’ ninmi— nirca.

SAN MATEO 21:16 Iomraidhean Croise

SALMOS 8:2

Canta piñaccunata, cariyaccunataca, uchilla huahuacuna, chuchucuc huahuacuna cantashcahuanmi upallachingui.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

SAN MATEO 12:3

Shina nicpimi Jesusca: —David paihuan puriccunahuan yarcaihuan imata ruhuashcataca Dios quillcachishcapica, ¿manachu ricushcanguichic?

SAN MATEO 19:4

Chashna nicpimi Jesusca: —Dios cai pachata ruhuashpaca, caritapish, huarmitapish ruhuarcami. ¿Chaitaca manachu Dios quillcachishcapica ricushcanguichic?

SAN MATEO 22:31

Huañushcacuna causarinamantaca, ¿manachu Dios huillashcapica, ricushcanguichic? Diosca:

MARCOS 13:17

Chai punzhacunapi huicsayuc huarmicunapish, chuchuchicuc huarmicunapish, ¡aij, imachari tucunga!

MARCOS 2:25

Chashna nicpimi Jesusca: —Mandac David paihuan puriccunahuan yarcaihuan cashpa, imata ruhuashcataca Dios quillcachishcapica, ¿manachu ricushcanguichic?

SAN LUCAS 21:23

Chai punzhacunaca Dios cai llactapi causaccunata nina japiric shina piñarishpa llaquichinami canga. ¡Chai punzhacunapi huicsayuc huarmicunalla, chuchucuc huahuayuc huarmicunalla, imachari tucunga!