SAN MATEO 21:12 - Dios Rimashcata Quillcashcami

¹² Jesús Diosta mañana huasiman yaicushpaca, chai ucupi catushpa, randishpa tiyaccunatami llucchishpa cacharca. Cullquita cambiana mizacunatapish, paloma catuna mizacunatapish

Nuevo Testamento en Quichua Cañar 1996

¹² Diosman mañana huasiman Jesús yaicushpaca, chaipi c'atuccunatapish, randiccunatapish llucchishpami cacharca. Cullquita cambiana mizacunatapish, paloma c'atuna mizacunatapish tigrachishpami shitarca.

SAN MATEO 21:12 Iomraidhean Croise

ÉXODO 30:13

Tucui yupashca israelcunami carpa huasipi tiyac valishca cullquita chaupi siclosta pezashpa cunga. (Siclosca 20 gerasmi). Chaupi siclos cullquica ñucaman alzashpa cunami canga.

LEVÍTICO 1:14

Volac animalcunamanta Mandac Diosman cushpa, tucui rupachingapac apamushpaca urpita, mana cashpaca llullu palomatami apamuna can.

LEVÍTICO 12:6

Chuyayana punzhacuna pactacpica, cari huahuamanta, mana cashpaca huarmi huahuamanta cashpapish shuc huatayuc cari ovejatami Diosman cushpa tucui rupachina can. Juchata pichachun Diosman cungapacca huahua palomata, mana cashpaca urpitami apamuna can. Chaitaca Dios-huan tupana huasi yaicunaman apamushpami, curaman cuna can.

LEVÍTICO 12:8

Shuc maltón ovejata mana charishpaca, ishcai huahua palomata, ishcai urpitami apamuna can. Shuctaca Diosman cushpa tucuita rupachingapac, shuctaca huarmipac juchata pichachun cungapacmi apamuna can. Curaca chai huarmipac juchata pichachun Diosman cushpa rupachinga. Chaita ruhuacpimi, mapa illac saquiringa” ningui» nirca.

LEVÍTICO 14:22

Ishcai urpita, mana cashpaca ishcai huahua palomatami, imata cashpapish pai cui pudishcallata apamunga. Chaicunataca shuctaca juchata pichachun, shuctaca tucui rupachingapacmi apamunga.

LEVÍTICO 14:30

Chai quipaca curallatacmi urpita cashpa, huahua palomata cashpa imatapish cui pudishcallata apamushcata Diosman cunga.

LEVÍTICO 15:14

Pusac punzhapica ishcai urpita, mana cashpaca ishcai huahua palomatami Dios-huan tupana huasi yaicunaman apamushpa, Mandac Diospac ñaupapi curaman cuna can.

LEVÍTICO 15:29

Pusac punzhapica ishcai urpita, mana cashpaca ishcai huahua palomatami Dios-huan tupana huasi yaicunaman apamushpa, Mandac Diospac ñaupapi curaman cuna can.

LEVÍTICO 5:11

Mana ishcai urpita, mana cashpaca ishcai llullu palomata charishpaca, ishcai kilo yalli alli harinatami cuna can. Chai harinaca juchata pichachun Diosman cushcami. Chaimanmi chai harinapica aceitetapish, inciensotapish mana churana can.

LEVÍTICO 5:7

Mana malta ovejata, mana cashpaca malta chivota charishpaca, ishcai urpita, mana cashpaca ishcai llulla palomatami cuna can. Chaicunamanta shucca juchata Dios pichachun cungapac, shucca tucui rupachingapacmi canga.

MARCOS 11:11

Jesusca Jerusalenman chayashpaca, Diosta mañana huasimanmi yaicurca. Chai ucupi tucuita ricushpaca, ña tutayagricpimi, paipac chunga ishcai yachacuccunahuan Betania puebloman rirca.

SAN LUCAS 2:24

shinallatac: «Ishcai urpita, mana cashpaca ishcai huahua palomata cungui» nishcamantami chashnaca ruhuarca.

SAN JUAN 2:13

Israelcunapac Pascua fiesta ña chayamucucpimi, Jesusca Jerusalén puebloman rirca.