SAN MATEO 20:34 - Dios Rimashcata Quillcashcami

³⁴ Chaimantami Jesusca paicunata llaquishpa, paicunapac ñahuipi tuparirca. Chashna tuparicpica, ñapish ñahuicuna ricucpi, Jesusta catishpa rircacunallami.

Nuevo Testamento en Quichua Cañar 1996

³⁴ Paicunata Jesús llaquishpami, paicunapac ñahuipi tuparirca. Chashna tuparicpi ñapish paicunapac ñahuicuna ricucpica, Jesusta c'atishpa rircacunallami.

SAN MATEO 20:34 Iomraidhean Croise

SALMOS 119:67

Ñaupa can manarac llaquichicpimi pandarishpa causarcani. Ashtahuanpish cunanca cambac rimashcacunata cazushpami causani.

SALMOS 119:71

Allitami llaquichircangui. Chashna ruhuacpimi, can mandashcacunataca cazuni.

SALMOS 145:8

Mandac Diosca cuyac llaquic Diosmi. Yallita llaquicpish, shinallatac mana utca piñaric Diosmi can.

SAN MATEO 14:14

Jesús canoamanta uricushpa, achca gentecunata ricushpaca, llaquirishpami maijan ungushcacunata alliyachirca.

SAN MATEO 15:32

Jesús paipac yachacuccunata cayashpaca: —Cai tucui gentecunami quimsa punzhata caipi ñucahuan cancuna. Paicunaca ima micunata mana charinchu. Paicunataca llaquinayanmi. Mana carashpa, huasiman cachacpica, yalli yarcaihuan, ñanpi tigrangami— nirca.

SAN MATEO 20:33

Chashna nicpimi paicunaca: —Apunchic Jesús, ñucanchic ñahuicuna ricuchunmi munanchic— nirca.

SAN MATEO 21:1

Jerusalén puebloman chayamucushpaca, Olivos urcu ladopi cac Betfagé uchilla pueblo chimba ladomanmi chayarca. Chaiman chayashpa, ishcai yachacuccunata Jesús cachashpaca:

SAN MATEO 8:15

Shina ricushpami, Jesusca paipac maquipi tuparirca. Chashna tuparicpi, chai fiebre anchuricpica, jatarishpa paicunaman micunata carai callarircami.

SAN MATEO 9:29

Chaimanta Jesús ñahuipi tuparishpaca: —Alliyanata crishcamantaca, cancuna crishca shinallatac alliyaichic— nirca.

SAN MATEO 9:36

Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

MARCOS 7:33

Shina mañacpimi, Jesusca chai runata gentecunamanta caruyachishpa, callupi tucata churashpa, ishcai ringripi dedota satirca.

SAN LUCAS 18:43

Jesús chashna nincami, chai runapac ñahuica ña ricurca. Chashna ña ricucpimi, Diosta “sumacmi cangui” nishpami, Jesusta catishpa rirca. Alliyashcata ricuccunapish, tucuimi Diosta “allimari cangui” nircacuna.

SAN LUCAS 22:51

Chashna piticpimi Jesusca: —Ña chailla, saquichic— nirca. Chaimantami chai runapac ringri chugripi tuparishpa, alliyachirca.

SAN LUCAS 7:13

Apunchic Jesusca chai viuda huarmi huacacucta ricushpa llaquishpaca: —Ama huacaichu— nirca.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

1 PEDRO 3:8

Ashtahuanpish cancunaca caishuc chaishuc-huan cuyanacushpa, llaquinacushpa, shuc shinalla yuyashpa, pihuanpish alli causaichic.