SAN MATEO 2:8 - Dios Rimashcata Quillcashcami

⁸ Chaimanta, paicunata Belenman cachashpaca: —Chaiman rishpa, huahuata allita mashcagrichic. Ña tarishpaca huillangapac shamunguichic, ñucapish chai huahuata alli nigringapac— nirca.

Nuevo Testamento en Quichua Cañar 1996

⁸ Chaimantami Belenman yachac runacunataca cashna nishpa cacharca: —Richic. Chai huahuata alli mashcashpa, maipi cashcata tarigrichic. Ña tarishpaca huillangapac shamunguichic, ñucapish chai huahuata alli nigringapac— nirca.

SAN MATEO 2:8 Iomraidhean Croise

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

LAMENTACIONES 3:37

Mandac Dios mana mandacpica, ¿pitac imata huillanga?

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

SAN MATEO 2:7

Chashna nicpimi, Herodesca yachaccunata pacalla cayashpa tapushpa, punzha lucero ricurishcata allita yachac chayarca.

SAN MATEO 2:9

Jatun mandac Herodes chashna nicpica, chai yachaccunaca rircami. Paicuna ricpica, inti llucshina ladopi ricurishca lucerollatacmi ñaupata rishpa, huahua Jesús siricuc huasi jahuapi jarcarirca.