SAN MATEO 2:11 - Dios Rimashcata Quillcashcami

¹¹ Paicuna chai huasiman yaicushpaca, huahuatami paipac mama Mariandi ricurca. Chaimantami cungurishpa “allimari cangui” nircacuna. Shinallatac quipita pascashpami, curitapish, inciensotapish, mirratapish curca.

Nuevo Testamento en Quichua Cañar 1996

¹¹ Paicuna chai huasiman ña yaicushpaca, mama Mariandic chai huahuata ricushpami, huahuataca cungurishpa “allimari cangui” nircacuna. Shinallatac paicuna apashpa rishcata pascashpami, achca valishca curita, inciensota, shinallatac mirratapish*f** curcacuna.

SAN MATEO 2:11 Iomraidhean Croise

GÉNESIS 43:11

Shina nicpimi, taita Israelca: —Shina cana cacpica, chashna ruhuaichiclla. Chai mandacman convidangapac cai allpapi imalla tiyashca ashtahuan allicunata cancunapac tulupi churashpa apaichic. Asha bálsamo jambitapish, asha mishquitapish, mishquilla ashnacuctapish, mirra jambitapish, tuctitapish, almendracunatapish apaichic.

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

1 REYES 10:2

Chai huarmica paita cuidac achca gentecunata pushamushpami, Jerusalenman shamurca. Paica mishquilla ashnacuc jambicunata, achca curita, alaja rumicunata camellocunapi apachishpami shamurca. Salomonpacman chayamushpaca, paipac shungupi tucui ima yuyashcatami parlarca.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

SALMOS 45:8

Cambac tucui churanacunapish mirra, áloes, canela shinami mishquilla ashnacun. Marfilmanta ruhuashca can mandashpa tiyana huasicunapimi cantaccunaca cantashpa cushichincuna.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

SALMOS 72:15

Jatun mandacca causacungallami. Sabá llactamanta curitami cungacuna. Paimantaca Diosta mañacungallami. Punzhantami paita bendicianga.

SALMOS 95:6

¡Paita jatunyachishpa, paipac ñaupapi cumuringapac shamuichic! Ñucanchicta ruhuac Mandac Diospac ñaupapi cungurishunchic.

ÉXODO 30:23

«Sumac mishquilla ashnacucta acllai: Sucta kilo alli mirrata, quimsa kilo mishquilla ashnacuc canelata shinallatac quimsa kilo mishquilla ashnacuc calomata,

ÉXODO 30:34

Cutinllatacmi Mandac Diosca Moisestaca: «Mishquilla ashnacuc resinata, shillulaya alajata ashnacuc yuramanta ashtahuan alli inciensotapish, mishquilla ashnacuc galbanotapish chai shinallatac pezashpa japingui.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

ISAÍAS 60:6

Achca camellocunami cambac ñaupaman shamunga. Madián, Efa llactacunamantami malta camellocuna shamunga. Sabá llactamantapish curita, inciensota apashpami, Mandac Diosta alli nishpa shamunga.

LEVÍTICO 6:15

Curami chai ofrendamanta asha harinata maquipi japishpa, aceitehuan, inciensohuan altar jahuapi churashpa, yuyarina cachun rupachinga. Chaimi Mandac Diosmanca mishquilla ashnanga.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

NÚMEROS 7:14

Shinallatac chunga siclosta pezac curi cucharapi inciensota jundachishcatapish apamurcami.

NÚMEROS 7:86

Diospaclla cac ucupi tiyac cullqui valishca shinami chunga ishcai curi cucharapi inciensota jundachishca carca. Chai cucharacunaca cada cucharami chunga siclosta pezarca. Tucui tandachicpica, patsac ishcai chunga siclos valicmi carca.

SAN MATEO 1:18

Jesucristo huacharinaca cashnami carca: Paipac mama Mariaca Josehuan cazarangapacmi ari nishca carca. Josehuan manarac chayarinacushpami, Mariaca Diospac Espíritu llanducpi, huicsayuc taririrca.

SAN MATEO 12:46

Jesús huillacucpimi, paipac mamapish, huauquicunapish paihuan parlasha nishpa, canzhapi shayacurca.

SAN MATEO 14:33

Chaimantami canoapi caccunaca Jesuspac ñaupapi cungurishpa: —Canca Diospac Churitacmi cangui— nishpa, alli nircacuna.

SAN MATEO 2:10

Yachaccuna chai lucerota ricushpaca, yallitami cushicurca.

SAN MATEO 2:2

Paicunaca: —¿Israelcunata mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nirca.

SAN LUCAS 2:16

Chashna utca rishpaca, huagracuna shayana ucupi Josetapish, Mariatapish, ucsha jahuapi huahua siricuctapishmi ricurca.

SAN LUCAS 2:38

Chai huarmi, chai horasllatac shamushpami, chai huahuamanta Jerusalén llactata Quishpichicta shuyaccunaman parlai callarirca.

SAN JUAN 19:39

Shinallatac shuc tuta Jesus-huan parlanacuc Nicodemopish mirrahuan, aloehuan chapushca shuc quintal shina mishquilla ashnacuctami apamurca.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.

APOCALIPSIS 5:8

Pillushca pangata ña japicpica, chai chuscu causaita chariccunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Diospaclla caccuna Diosta mañashcacunatami nisha nin.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.