SAN MATEO 19:5 - Dios Rimashcata Quillcashcami

⁵ Dios quillcachishcapica: “Carica taita mamata saquishpa, paipac huarmihuanmi tandaringa. Chashna tandanacushpaca, shucllami tucunga” nircami.

Nuevo Testamento en Quichua Cañar 1996

⁵ Shinallatac Taita Diosca: ‘Chaimantami c'arica taita mamata saquishpa, paipac huarmihuan tandarishpa causanga. Chashna tandanacushpaca, ishcaimanta shucllami tucunga’ nircami.

SAN MATEO 19:5 Iomraidhean Croise

GÉNESIS 34:3

Chai mosoca Jacobopac ushi Dinata tucui almahuan cuyashpami, pai rimashcacunahuan Dinapac shungupi yaicurca.

2 SAMUEL 1:26

Ñuca huauqui Jonatanlla, canmantaca yallitami llaquirini. Ñucapacca yallitami cuyashca carcangui. Cambac cuyaica huarmicunapac cuyaitapish yallimi carca.

1 REYES 11:2

Mandac Diosca israelcunataca: «Paicunahuanca ama cazaranguichicchu, paicunapish cancunahuanca mana cazaranachu can. Paicunahuan cazaracpica, paicunapac dioscunata catichun pandachingami» nishpami mandashca carca. Ashtahuanpish Salomonca chai huarmicunallatacmi cuyashpa, paipac huarmicuna cachun japirca.

SALMOS 45:10

Riqui ñuca huahualla, cambac ringrita mañachishpa uyai. Cambac llacta gentecunatapish, familiatapish cungarilla.

SALMOS 63:8

Ñuca almaca canpi llutarishca shinami. Cambac alli lado maquica ñucata charicunmi.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

SAN MATEO 19:6

Chashna cashcamantaca ña mana ishcaichu, ashtahuanpish shucllami can. Chaimanta Dios tandachishcataca, pi mana chicanyachinachu can— nirca.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

1 CORINTIOS 6:16

¿Manachu cullquimanta huainayac huarmihuan chayarishpaca, chai huarmihuan shuc shinalla tucun? Chaimantami Dios quillcachishcapica: «Ishcai cashpapish, shucllami tucun» nicun.

1 CORINTIOS 7:2

Shina cacpipish, huainayana yalli tiyashcamantaca, caripish quiquin huarmita, huarmipish quiquin cusata charinami can.

1 CORINTIOS 7:4

Huarmipac cuerpoca cusapacmi. Cusapac cuerpoca huarmipacmi.

EFESIOS 5:31

Dios quillcachishcapica: “Chaimantami carica paipac taita mamata saquishpa, paipac huarmihuan tandanacushpa shuc aichalla tucunga” ninmi.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 11:22

Mandac Diosta cuyashpa, ñuca yachachishca mandashcacunata pactachishpa, Mandac Diosllata catinguichic.

DEUTERONOMIO 4:4

Ashtahuanpish cancunaca, Mandac Diosta tucui shunguhuan catishcamantaca causacunguichicmi.

1 SAMUEL 18:1

David Saulhuan parlanata ña tucuchicpimi, Jonatanca Davidhuan shuc shinalla tucushpa, quiquin cuyaric shina Davidtaca cuyarca.

1 SAMUEL 25:43

Shinallatac Davidca Jezreel pueblomanta Ahinoam huarmihuanpish cazararcami. Ishcaitacmi paipac huarmicuna carca.