SAN MATEO 18:22 - Dios Rimashcata Quillcashcami

²² Shina nicpimi Jesusca: —Mana canchis cutinllachu perdonana cangui, ashtahuanpish canchis cutin canchis chunga cutinmi perdonana nini.

Nuevo Testamento en Quichua Cañar 1996

²² Shina nicpi Jesusca: —Mana canchis cutinllachu perdonachun nini, ashtahuanpish canchis cutin canchis chunga yallihuanmi perdonachun nini.

SAN MATEO 18:22 Iomraidhean Croise

GÉNESIS 4:24

Cainta canchis cutinhuan llaquichishca cana cacpica, ñucacarin canchis chunga canchis cutinmi llaquichishca cana cani» nirca.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

SAN MATEO 18:23

Jahua pacha Dios mandacucca, shuc jatun mandac paita serviccuna mashna debishcata tapungapac cayac shinami.

MARCOS 11:25

Cancuna Diosta mañacushpaca, maijanta piñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga.

ROMANOS 12:21

Ama millai ruhuana yuyaicuna mishachun saquichicchu. Chaipac randica, allita ruhuashpa millaita mishai.

EFESIOS 4:26

Imamanta piñarishpapish, ama juchallichicchu. Piñarishpapish, ama tucui punzha piñashcalla caichicchu.

EFESIOS 4:31

Shungu ucullapi piñashca canata, imapish llaquichinata, pitapish piñanata, camishpa rimanata, rimashpa caparinata, shinallatac tucui mana allicunataca saquichic.

COLOSENSES 3:13

Caishuc chaishuc-huan mana piñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.