SAN MATEO 18:16 - Dios Rimashcata Quillcashcami

¹⁶ Can rimashcata mana uyacpica, shucta, mana cashpaca ishcaita pushashpa ringui. Ishcai, mana cashpaca quimsa rishpa uyashpami, cierto cashcata huillanga.

Nuevo Testamento en Quichua Cañar 1996

¹⁶ Can rimashcata mana uyacpica, shucta cashpa, ishcaita cashpa pushashpa ringui. Chashna cacpica ishcai cashpa, quimsa cashpa rishpa uyaccunami, imata cashpapish chashnatac cashcata huillangacuna.

SAN MATEO 18:16 Iomraidhean Croise

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

NÚMEROS 35:30

Huañuchic runataca tauca testigocuna huillacpimi, paitapish huañuchinga. Ashtahuanpish shuclla huillac cacpica, pita cashpapish mana huañuchinachu.

SAN JUAN 8:17

Moisés mandashcacunapica: “Ishcai huillaccuna tiyacpimi, cierto cashcata yachana” ninmi.

2 CORINTIOS 13:1

Caihuanca quimsa cutinmi cancunata ricungapac rigrini. Tucui imatapish ishcai cashpa, quimsa cashpa imata ricushcata huillac tiyacpimi, allichishca canga.

DEUTERONOMIO 17:6

Chai runataca ishcai, mana cashpaca quimsa testigo huillacpimi, huañuchina can. Shuclla huillac tiyacpica, mana huañuchinachu.

DEUTERONOMIO 19:15

Ima llaquita, mana cashpaca ima juchata ruhuashcata shuc testigolla huillacpica, mana imata ruhuanachu can. Ashtahuanpish ishcai, mana cashpaca quimsa runa ricushpa huillacpimi, imatapish ruhuana can.

1 TIMOTEO 5:19

Tandanacushca criccunata pushactaca ama imata juchanchinguichu, ashtahuanpish ishcai, quimsa huillaccuna tiyacpica juchanchingui.

HEBREOS 10:28

Moisés mandashcata maijan mana cazucucta ishcai, mana cashpa quimsa ricuc tiyacpica, mana llaquishpami huañuchina can.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.