SAN MATEO 17:4 - Dios Rimashcata Quillcashcami

⁴ Chaimantami Pedroca Jesustaca: «Apunchic Jesús, ñucanchicca allimi caiman shamushcanchic. Can munacpica, quimsa chucllata ruhuasha, shuctaca canman, shuctaca Moisesman, shuctaca Eliasman» nirca.

Nuevo Testamento en Quichua Cañar 1996

⁴ Chaimantami Jesusta Pedroca: —Apunchic Jesús, ñucanchicca allimi caiman shamushcanchic. Can munacpica, ñucaca quimsa chucllata ruhuasha nini, shuctaca canman, shuctaca Moisesman, shuctaca Eliasman— nirca.

SAN MATEO 17:4 Iomraidhean Croise

SALMOS 16:11

Ñucamanca causaiman apac ñantami ricuchingui. Cambac ñaupapica yallita cushicuimi tiyan. Cambac alli ladopica huiñaitami cushicui tiyan.

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

ISAÍAS 33:17

Cambac ñahuihuanmi Jatun Mandactaca sumaimana tiyacucta ricungui. Llactatapish mai carucaman cashcatami ricungui.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

SAN MATEO 17:3

Chaipimi Moisespish, Eliaspish, Jesus-huan parlanacucta ricurcacuna.

SAN LUCAS 9:33

Chai ishcai runacuna Jesuspacmanta caruyacpica, Pedroca: —Yachachic, ñucanchicca allimi caiman shamushcanchic. Cunanca quimsa chucllata ruhuashun, shuctaca canman, shuctaca Moisesman, shuctaca Eliasman— nirca. Ashtahuanpish Pedroca pai ima nicushcata mana yacharcachu.

SAN JUAN 17:24

Taitalla, cai pacha manarac tiyacpimi, ñucataca cuyashcangui. Chaimantami can cushcacunaca ñuca maipimi cani, paicunapish chaipi cachun munani. Chaipi cashpami ñuca jatunyachishca cashcata ricunga.

SAN JUAN 7:2

Israelcunapac chuclla ruhuana fiesta punzhacunami chayamucurca.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

1 JUAN 3:2

Cuyashca huauquicuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

APOCALIPSIS 21:23

Chai pueblotaca Dios pai sumaimana cashcahuan, shinallatac Pactalla Oveja lámpara shina achicyachicucpimi, intipish, quillapish achicyachingapacca mana tiyana carca.