SAN MATEO 16:18 - Dios Rimashcata Quillcashcami

¹⁸ Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

Nuevo Testamento en Quichua Cañar 1996

¹⁸ Ñucapish cantaca Pedromi*f** cangui ninimi. Cai rumi jahuapi huasichic shinami, tandanacushca criccunataca mirachisha. Chashna miraricpica, huañuipish mana ati pudingachu.

SAN MATEO 16:18 Iomraidhean Croise

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

2 SAMUEL 18:4

Shina nicpimi jatun mandacca: —Ñucaca cancunaman ima alli cashcata ruhuashallami— nirca. Chashna gentecuna patsacpi, huarangapi chicanyachishca ricucpica, jatun mandacca puebloman yaicuna pungupimi shayacurca.

JOB 38:17

¿Huañushcacuna tiyana pungucuna maipi cashcataca ricushcanguichu? ¿Huañuna amsa ucu pungutapish ricushcanguichu?

SALMOS 107:18

Ima micunatapish millanayachishpami, ña huañunalla tucurca.

SALMOS 127:5

Huasi junda chashna churicunata charic runaca cushicunmi. Juezcunapac ñaupapi paita piñaccunahuan rimarinacushpapish mana pingaichishcachu canga.

SALMOS 129:2

«Huambramanta pachami ñucataca yallita llaquichirca. Shina llaquichishpapish mana ati pudircacunachu.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

SALMOS 9:13

Mandac Dioslla, ñucata llaquiyari. Ñucata piñaccuna llaquichicuctaca ricuiyari. Ñucataca huañuna pungumanta quishpichiyari.

PROVERBIOS 24:7

Yuyai illac runamanca allita yachaica mana entendipacmi. Tandanacushca gentecunapica, mana rimai pudinchu.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ISAÍAS 28:6

Paica allita ricushpa mandaccunamanca cashcata ruhuana yuyaitami cunga. Llacta pungupi cuidac soldadocunataca yallitami sinchiyachinga.

ISAÍAS 38:10

«Ñucaca: “Ñuca causana chaupi punzhacunapimi Seolman rigrini. Shuctac chaupi punzhacunataca quichushcami” yuyarcanimi.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

JONÁS 2:6

Urcu callarimanmi rircani. Allpaca huiñaimanmi ñucata tapashpa charicurca. Ñucata Mandac Dioslla, canmi ñuca causaitaca pambashcamanta llucchircangui.

SAN MATEO 10:2

Chai chunga ishcai apostolcunaca: Pedro nishca Simón, paipac huauqui Andrés, Zebedeopac churicuna Jacobo, Juan,

SAN MATEO 11:23

Capernaúm pueblopi causaccuna, ¿jahua pachaman rishunmi yuyanguichicchu? Ashtahuanpish ucu pachamanmi shitashca canguichic. Cancunapac pueblopi milagrocunata ruhuashca shina, Sodoma pueblopi ruhuashca cacpica, cunan punzhacamanmi tiyanman carca.

SAN MATEO 18:17

Paicunata mana uyacpica, tandanacushca criccunaman huillangui. Paicunatapish mana uyacpica, Diosta mana cricta shina, impuestota japicta shina charinguichic.

SAN MATEO 4:18

Jesusca Galilea cucha patata puricushpami, ishcai huauquindi runacunata ricurca. Shucca Simón nishca Pedro, shinallatac Andresmi carca. Paicunaca challuata japiccuna cashpami, linchita yacupi shitacurca.

SAN MATEO 7:24

Maijanpish cai nishcata uyashpa cazucca, shuc alli yuyaiyuc, sinchi rumi allpapi huasichic runa shinami.

SAN JUAN 1:42

Andresmi Simontaca Jesuspacman pusharca. Chashna pushacpi, Jesús Simonta ricushpaca: —Juanpac churi Simonmi cangui. Cunanmantaca Cefas shutimi cangui— nirca. (“Cefas” nishpaca, “Pedro” nisha ninmi).

HECHOS 2:47

Shinallatac Diosta “allimari cangui” niccunami carca. Tucuipac alli nishcacunapishmi carca. Maijanpish quishpirisha niccunataca, punzhantami Diosca quishpichishpa, criccunata mirachirca.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

HECHOS 8:1

Estebanta huañuchicta Saulo ricushpaca: “Allitami ruhuanguichic” nishpami cushicurca. Chai punzhacunapica Jerusalén pueblo criccunataca yallitami llaquichi callarirca. Chaimantami criccunaca Judea llactata, Samaria llactata miticushpa rircacuna. Ashtahuanpish apostolcunallami mana maiman rishpa saquirirca.

1 CORINTIOS 15:55

Huañui, ¿maipitac cambac poderca? ¿Maipitac nanachishpa, huañuchicca?» ninmi.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

EFESIOS 5:32

Caica pacashca jatun huillaimi. Shina cacpipish, ñucaca Jesucristohuan, tandanacushca criccunahuan ima shina cana cashcatami entendishpa huillani.

COLOSENSES 1:18

Cristollatacmi tandanacushca criccunataca uma shina mandacun. Tandanacushca criccunaca paipac cuerpomi can. Manarac ima tiyacpi, pai ña tiyac cashcamanta, huañushcacunapuramanta punta causaric cashcamantami, Diosca tucuipac punta cachun churarca.

1 TIMOTEO 3:15

Ñuca unaiyacpipish, canca Diospac huasipi ima shina cana cashcata yachachunmi munani. Tandanacushca criccunaca, cashcata nic, pilar shina causac Diospac tandanacushcacunami can.

1 TIMOTEO 3:5

Maijanpish quiquin huasipi mana alli pushashpaca, ¿ima shinatac Diospaclla tandanacushca criccunataca pushangayari?

HEBREOS 12:28

Mana cuyuchipac Dios mandacucta chasquishpaca, Diosta manchashpa, pai munashca shina tucui shunguhuan pagui nichic. Paica chaitami munan.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 21:14

Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.