SAN MATEO 15:30 - Dios Rimashcata Quillcashcami

³⁰ Chaipi tiyacucpimi, achca gentecuna suchucunatapish, ñahui mana ricuccunatapish, maqui illaccunatapish, mana rimaccunatapish, shuctac ungushcacunatapish apamushpa, Jesuspac ñaupapi churarca. Chashna apamucpica, tucuitami alliyachirca.

Nuevo Testamento en Quichua Cañar 1996

³⁰ Jesús chaipi tiyacucpimi, achca gentecunaca suchucunatapish, ñahui mana ricuccunatapish, maqui illaccunatapish, mana rimaccunatapish, shinallatac tauca ungushcacunatapish apamushpa, Jesuspac ñaupapi churarcacuna. Paicunataca tucuitami alliyachirca.

SAN MATEO 15:30 Iomraidhean Croise

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

MARCOS 9:43

Chaimanta cambac maqui juchapi urmachisha nicpica, pitishpa shitangui. Ishcai maquindi mana huañuc ucu pacha ninaman rinapac randica, shuclla maquihuan jahua pachapi yaicunami canmanca ashtahuan alli.

SAN LUCAS 14:13

Ashtahuanpish jatun micuita ruhuashpaca, huacchacunatapish, ungushcacunatapish, suchucunatapish, ñahui mana ricuccunatapish cayangui.

HECHOS 2:22

Tucui israelcuna, cai ñuca huillashcata alli uyaichic. Diosca Nazaret pueblomanta Jesusta cachashpami, mancharinacunata ruhuachishpa, milagrocunata ricuchishpa, Jesús pi cashcata cancunaman ricuchirca. Chaitaca cancunallatacmi alli yachanguichic.