SAN MATEO 13:22 - Dios Rimashcata Quillcashcami

²² Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

Nuevo Testamento en Quichua Cañar 1996

²² Casha chaupipi urmashca muyu shinaca, Taita Dios rimashca shimita uyashpapish, cai pachapi imatapish charina yuyaicuna, shinallatac charishpapish ashtahuan charina yuyaicuna shamushpami, chai uyashcataca aguachic shina chingachinlla. Shina cashpami, mana p'ucuc muyu shina ricurincuna.

SAN MATEO 13:22 Iomraidhean Croise

SALMOS 52:7

«¡Riquichic, chai runaca Diosta paipac jatun pirca shina jarcac cachunca mana chasquircachu! ¡Ashtahuanpish paipac charishcacunallapi shunguta churashpami, mana allicunallata ruhuashpa causarca!» ningacuna.

SALMOS 62:10

Ama imata quichuna, shuhuana yuyailla caichicchu. Imata yallita charishpapish ama chai charishcapi shunguta churaichicchu.

PROVERBIOS 11:28

Maijanpish pai charishcallapi shunguta churacca chaquic shinami urmanga. Ashtahuanpish cashcata ruhuacca verdinlla ramacunayuc yura shinami canga.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

ECLESIASTÉS 4:8

Maijan sapalla runaca ricsishcacunatapish, huahuacunatapish, huauquillatapish mana charinchu. Pai charishcata piman saquina mana tiyacpipish, manatac samarinchu. Mashnata charishpapish mana cushicunchu. Shinallatac: «¿Piman saquingapactac chashna mana samarishpa trabajacuni, imamantatac ñuca almataca yallita shaicuchini?» nishpapish mana tapurinchu. Chaipish yangallami. Shinallatac llashacta aparishca shina llaquimi.

JEREMÍAS 4:3

Mandac Dios ñuca Judá llactapi causaccunatapish, Jerusalenpi causaccunatapish rimashpaca: Samarishca allpata yapuichic. Casha chaupicunapica ama tarpuichicchu.

SAN MATEO 12:32

Runa Tucungapac shamushca ñucata rimactaca Diosca perdonangami. Ashtahuanpish Diospac Espirituta rimactaca, cai pachapipish, quipa punzhapipish Diosca manatac perdonangachu.

SAN MATEO 13:39

Trigo chagrapi mana alli quihuata jichac shinaca, diablomi. Cosechana nishpaca, cai pacha tucurinatami nisha nin. Trigota cosechaccunaca angelcunami.

SAN MATEO 13:40

Mana alli quihuata pitishpa rupachic shinami, cai pacha tucuri punzhapica canga.

SAN MATEO 13:7

Maijan muyuca casha chaupipimi urmarca. Casha huiñashpaca aguachircami.

SAN LUCAS 12:15

Chaimantami Jesusca: —Charishcacunaca mana causaita cunchu. Chaimanta ama misa tucushpa, ashtahuan chayucyana yuyailla canguichicchu— nirca.

SAN LUCAS 12:21

Quiquinpaclla charinata munaccunaca, Diospac ñaupapica imata mana charinchu. Chaica chashnatacmi» nirca.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SAN LUCAS 8:14

Casha chaupipi urmashca muyuca Dios rimashcata uyaccunami. Chashna uyashpapish ima cai pacha munaicuna, chayucyana yuyaicuna, cai causaillapi cushicuna yuyaicuna shamucpimi, mana pucuc muyu shina tucuncuna.

HECHOS 8:18

Apostolcuna criccunapac uma jahuapi maquita churacpi, criccuna Diospac Espirituta chasquicta Simón ricushpami, cullquihuan randinata munarca.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

1 CORINTIOS 1:20

Shinaca, ¿maipitac chai yachaisapaca? ¿Maipitac chai yachachicca? ¿Maipitac cai pacha yachaimanta ricuchicca? Cai pachamanta yachaitaca Diosmi pucllaita shina ruhuashca.

1 CORINTIOS 2:6

Ashtahuanpish ña sinchi criccuna cashpaca, alli yachai rimaicunahuan rimanacunchic. Cai alli yachai rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

1 CORINTIOS 2:8

Chaitaca cai pacha mandaccunaca mana yacharcacunachu. Paicuna yachashca cashpaca, Mandac Apunchic Jesustaca mana chacatanmanchu carca.

1 CORINTIOS 3:18

Maijanpish “ñucaca allimi cani” nishpaca, ama pandaringuichicchu. Cancunapuramanta maijanpish cai pacha gentecuna yuyashca shina “mai yachacmi cani” nishpa yuyacushpaca, imata mana yachac shinami tucuna canguichic. Chai shina tucushpami, mai yachaccunatac tucunguichic.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.