SAN MATEO 13:21 - Dios Rimashcata Quillcashcami

²¹ Chaica, mana shungupi sapiyashca cashpami, llaquicuna japicpi, mana cashpaca alli huillaita chasquishcamanta piñacpica cutirinlla.

Nuevo Testamento en Quichua Cañar 1996

²¹ Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.

SAN MATEO 13:21 Iomraidhean Croise

JOB 19:28

Ashtahuanpish cancunaca: “¿Ima nishpatac paitaca llaquichishpa catinchicyari?” Mana allita ruhuashcaca paillapitacmi sapi shina tiyacun ninguichicmi.

SALMOS 36:3

Paipac shimihuanca llullallata, millaillatami riman. Alli yuyarinatapish, alli ruhuanatapish saquishcami.

PROVERBIOS 12:12

Diosta mana manchac runaca millaicuna urmana tucllapi urmanatami munan. Ashtahuan imatapish cashcata ruhuacca alli pucuc yura shinami.

PROVERBIOS 12:3

Pipish Diosta mana manchashpaca mana sinchi cai pudinchu. Ashtahuanpish cashcata ruhuaccunaca alli sapiyashca shina, mana cuyuchipacmi.

OSEAS 6:4

Mandac Diosca: «Efraín aillulla, Judá llactapi causaccunalla, ¿cancunataca imatatac ruhuashayari? Cancunapac cuyaica tutamanta llucshimuc puyu shina, tutamanta páramo shamushpa, utca chingaric shinami.

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

SAN MATEO 11:6

Cushicuichic, ñuca ima ruhuacushcata ricushpa, mana pandariccuna— nircami.

SAN MATEO 13:20

Rumi allpapi urmashca muyu shinaca, Diosmanta huillashcata cushicushpa, utca chasquicmi.

SAN MATEO 13:57

Jesustaca mana crisha nircacunachu. Chaimantami Jesusca: —Dios ima nishcata huillactaca, maipipish allimi chasquin. Ashtahuanpish quiquin llactapi, quiquin familiapurapica mana uyashun nincunachu— nirca.

SAN MATEO 13:6

Chashna cacpipish, chai yuraca mana ucuman sapita charishcamantami, inti rupachicpica chaquirca.

SAN MATEO 24:13

Chaica, pipish tucuricaman llaquicunata apactaca quishpiringami.

SAN MATEO 26:31

Chaipimi Jesusca: —Dios quillcachishcapica: “Michictaca huañuchishami. Ovejacunaca caita chaitami ringa” ninmi. Chaimantami cancunaca cunan tutallatac ñucata saquishpa, caita chaita ringuichic.

SAN MATEO 26:33

Chashna nicpimi Pedroca: —Caishuccuna canmanta caruyacpipish, ñucaca manatac saquishachu— nirca.

MARCOS 4:17

Shina cashpapish, mana sapiyuc shina cashcamantami, llaquicuna japicpi, mana cashpaca alli huillaita crishcamanta gentecuna piñacpica, crinata saquincunalla.

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

SAN JUAN 6:26

Shina tapucpimi Jesusca: —Cancunaca mana milagrocunata ruhuashcamantachu mashcacunguichic, ashtahuanpish mana nicta micushcallamantami mashcacunguichic. Chaica chashnatacmi can.

ROMANOS 2:7

Diosca maijanpish allillata ruhuashpa, paipac ñaupapi alli ricurinata, huiñai causaita japinata munashpa causaccunamanca huiñai causaitami cunga.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

GÁLATAS 6:12

Chai “circuncisionta ruhuanaca allimi” niccunaca gentecunapac alli nishca cangapac, shinallatac Cristo cruzpi huañushcata crishcamanta ama pi piñachun nishpallami chashnaca nincuna.

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Dios mushucyachicpi mushuc causanami ashtahuan alli.

EFESIOS 3:17

Crishcallamanta cancunapac shungupi Cristo causachun, shinallatac cancunaca cuyaipi sinchita sapiyashca shina cachunmi mañacuni.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

2 TIMOTEO 1:15

Asia llactamanta caccuna tucui mashna ñucataca shitashpa rishcataca, canllatac yachanguimi. Paicunapurapica Figelopish, Hermogenespish carcami.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

SANTIAGO 3:2

Tucuimi tauca cutin imapipish pandarinchic. Maijan imata rimashpa mana pandaricca, mana juchanchipac alli runami. Chashnaca, paipac cuerpotapish ima mana allimantaca jarcarinmi.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.